Fiction
-
അറിയുക: ബന്ധങ്ങൾ ചര്‍മ്മസ്പര്‍ശമല്ല, ഹൃദയസ്പര്‍ശമാണ്
വെളിച്ചം ഗുരുവും ശിഷ്യന്മാരും ഗ്രാമത്തിലൂടെ യാത്ര ചെയ്യുകയായിരുന്നു. വഴിയിലെ ഒരു വീട്ടില്‍ നിന്ന് ഉച്ചത്തില്‍ ആളുകള്‍ സംസാരിക്കുന്നത് കേട്ടു. അപ്പോൾ ശിഷ്യന്മാരിലൊരാള്‍ ഗുരുവിനോട് ചോദിച്ചു: “ഇവര്‍ എന്തിനാണ് ഇത്ര ഉറക്കെ സംസാരിക്കുന്നത്. പതുക്കെ സംസാരിച്ചാലും അവര്‍ക്ക് തമ്മില്‍ കേള്‍ക്കാമല്ലോ?” ഗുരു പറഞ്ഞു: “ദേഷ്യത്തോടെ സംസാരിക്കുമ്പോള്‍ രണ്ടു ഹൃദയങ്ങള്‍ തമ്മില്‍ ഒരുപാട് അകലെയാണ്. അതുകൊണ്ടാണ് ശബ്ദമുയര്‍ത്തി സംസാരിക്കുന്നത്.” കുറച്ച് കൂടി മുന്നോട്ട് നടന്നപ്പോള്‍ പ്രണയബദ്ധരായ യുവമിഥുനങ്ങളെ കണ്ടു. അവരെ ചൂണ്ടിക്കാണിച്ച് ഗുരു പറഞ്ഞു: “അവര്‍ സംസാരിക്കുന്നത് ഇത്ര അടുത്തു നിന്നിട്ടും നമുക്ക് കേള്‍ക്കാന്‍ സാധിക്കുന്നില്ല. അത്രയും താഴ്ന്ന സ്വരത്തിലാണ് അവര്‍ സംസാരിക്കുന്നത്. മാത്രമല്ല, അവരുടെ ഹൃദയങ്ങള്‍ തമ്മില്‍ അത്രയും അടുത്താണ്…” കാതുകളോട് സംസാരിക്കുന്നവര്‍ ശബ്ദിക്കും… ഹൃദയത്തോട് സംസാരിക്കുന്നവര്‍ മന്ത്രിക്കും. കേള്‍ക്കാന്‍ സാധിക്കുന്നുണ്ടോ എന്നതല്ല, മനസ്സിലാക്കാന്‍ സാധിക്കുന്നുണ്ടോ എന്നതാണ് ബന്ധങ്ങള്‍ വളരുന്നതിന്റെയും തളിര്‍ക്കുന്നതിന്റെയും അടിസ്ഥാനം. ബന്ധങ്ങളുടെ അകലം എന്നത് മാനസിക ദൂരമാണ്. അടുത്തിരിക്കുമ്പോഴും അകലത്തിലായിരിക്കുന്നവരും, അകന്നിരിക്കുമ്പോഴും അടുപ്പത്തിലായിരിക്കുന്നവരും ഉണ്ട്. അടുപ്പമെന്നത് ചര്‍മ്മസ്പര്‍ശമല്ല, ഹൃദയസ്പര്‍ശമാണ്. അതിന്…
Read More » -
മറക്കാതിരിക്കുക: അപരനു വേണ്ടിയുള്ള നിസ്വാര്‍ത്ഥമായ പ്രവർത്തനങ്ങളിലൂടെയാണ് ദൈവ കണ്ടുമുട്ടുന്നത്
വെളിച്ചം ആ കുട്ടി 50 രൂപയും കയ്യിലേന്തി ഓരോ കടയും കയറിയിറങ്ങുകയാണ്. എല്ലാ കടക്കാരും അവനെ ആട്ടിയോടിച്ചു: “നിനക്കെന്താ വട്ടാണോ? ഞങ്ങളെ കളിയാക്കുകയാണോ നീ…?” ഓരോരുത്തരും ചോദിക്കുന്നു. പക്ഷേ, അവന്‍ അതൊന്നും സാരമാക്കിയതേയില്ല. ഓരോ കടയില്‍ നിന്നും ഇറക്കിവിടുമ്പോഴും ആ 50 രൂപയുമായി അവന്‍ അടുത്ത കട ലക്ഷ്യമാക്കി നീങ്ങും. വൈകുന്നേരമായി. അവന്‍ കയറുന്ന 73-ാന്നാമത്തെ കടയാണിത്. അവിടെ ചെന്ന് അവന്‍ ചോദ്യം ആവര്‍ത്തിച്ചു: “ഇവിടെ ദൈവത്തെ കിട്ടുമോ?” ആ കടയുടമ പയ്യനെ അരികില്‍ വിളിച്ചിരുത്തി കാര്യം അന്വേഷിച്ചു. അവന്‍ പറഞ്ഞു: “ഞാന്‍ ചെറിയ കുട്ടിയായിരുന്നപ്പോള്‍ എന്റെ അച്ഛനും അമ്മയും മരിച്ചുപോയി. അമ്മാവന്റെ കൂടെയാണ് ഞാനിപ്പോള്‍. അമ്മാവന് സുഖമില്ല. ഇപ്പോള്‍ ആശുപത്രിയിലാണ്. അവിടെത്തെ ഡോക്ടര്‍ ഇന്ന് എന്നോട് പറഞ്ഞു, ‘ഇനി ദൈവത്തിന് മാത്രമേ അമ്മാവനെ രക്ഷിക്കാന്‍ സാധിക്കൂ’ എന്ന്. അതുകൊണ്ട് ഞാന്‍ ദൈവത്തിനെ വാങ്ങുവാന്‍ വേണ്ടി വന്നതാണ്…” ഇത് പറഞ്ഞ് ആ കുട്ടി തന്റെ കയ്യിലിരുന്ന മുഷിഞ്ഞ 50 രൂപ അയാള്‍ക്ക്…
Read More » -
ഓർക്കുക: നമ്മുടെ പ്രാര്‍ത്ഥനകൾക്ക് ഈശ്വരന്‍ ഉത്തരം നല്‍കുന്നത് മറ്റുള്ളവരിലൂടെയാണ്
വെളിച്ചം അവള്‍ സ്‌കൂട്ടറില്‍ പോകുമ്പോഴാണ് ഒരു വയോധിക ലിഫ്റ്റ് ചോദിച്ചത്. ഒഴിഞ്ഞുമാറാന്‍ ശ്രമിച്ചുവെങ്കിലും അവരുടെ നിര്‍ബന്ധപ്രകാരം അവള്‍ ലിഫ്റ്റ് നല്‍കി. വണ്ടിയില്‍ പോകുമ്പോള്‍ അവര്‍ പറഞ്ഞു: “എന്റെ സുഹൃത്തിന് സുഖമില്ല. ഞാന്‍ സുഹൃത്തിന് മരുന്ന് വാങ്ങാനായി ഇറങ്ങിയതാണ്. എന്റെ ആരോഗ്യവും വളരെ മോശമാണ്. ആരെയെങ്കിലും സഹായത്തിന് അയക്കേണേയെന്ന് ദൈവത്തിനോട് ഞാന്‍ പ്രാര്‍ത്ഥിക്കുകയായിരുന്നു. ദൈവം എന്റെ പ്രാര്‍ത്ഥന കേട്ടു, ദൈവം സുഹൃത്തിനെ സഹായിക്കാന്‍ എന്നെ നിയോഗിച്ചു. എന്നെ സഹായിക്കാന്‍ നിങ്ങളേയും…” അവര്‍ പുഞ്ചിരിച്ചു. മരുന്നും വാങ്ങി അവരെ തിരികെ സുഹൃത്തിന്റെ വീട്ടിലെത്തിച്ച്, ഇനിയും എന്ത് ആവശ്യമുണ്ടെങ്കിലും വിളിക്കണമെന്നും പറഞ്ഞാണ് ആ യുവതി അവിടെ നിന്നും മടങ്ങിയത്. മനുഷ്യന് ദൈവത്തെ ആവശ്യമുള്ളതുപോലെ ദൈവത്തിനു മനുഷ്യനെയും ആവശ്യമുണ്ട്. ഇല്ലായ്മയില്‍ എല്ലാം വാരിവിതറുന്ന അത്ഭുതമായി ഈശ്വരനെ വ്യാഖ്യാനിക്കാതെ ഉള്ളവരിലൂടെ ഇല്ലാത്തവനെ സംരക്ഷിക്കുന്ന കരുണാ കടാക്ഷമായി സങ്കല്‍പിക്കുന്നതാണ് ഉത്തമം. ആരോഗ്യമില്ലാത്തവന് വൈദ്യനിലൂടെയും ദരിദ്രന് ധനവാനിലൂടെയും മനസ്സമാധാനം നഷ്ടപ്പെട്ടവന് ചങ്ങാതിമാരിലൂടെയും ആത്മവിശ്വാസം നഷ്ടപ്പെട്ടവന് ഗുരുവിലൂടെയുമെല്ലാം ഈശ്വരന്‍ വഴിനടത്തുന്നു.…
Read More » -
എന്ത് ലഭിച്ചാലും സംതൃപ്തി ഇല്ലാത്തവർക്ക് നിരാശയായിരിക്കും ഫലം, ലഭ്യമായതുകൊണ്ട് ജീവിതം ഉത്സവമാക്കുന്നവരാണ് സന്തോഷം അനുഭവിക്കുന്നത്
വെളിച്ചം ഇരട്ടക്കുട്ടികളായിരുന്നു അയാള്‍ക്ക്. പക്ഷേ രണ്ടുപേരുടേയും സ്വഭാവം രണ്ട് തരത്തിലായിരുന്നു. ഒന്നാമന് എന്തിലും സന്തോഷം കണ്ടെത്തും . പക്ഷേ രണ്ടാമൻ എവിടെയും കുറ്റവും കുറവുകളും കണ്ടെത്തുന്ന സ്വഭാവക്കാരനായിരുന്നു . രണ്ടാമന്റെ സ്വഭാവത്തില്‍ മാറ്റം വരുത്താന്‍ അവര്‍ ഒരു സൈക്കോളജിസ്റ്റിനെ പോയി കണ്ടു. അയാളുടെ നിര്‍ദ്ദേശപ്രകാരം അവര്‍ക്ക് രണ്ടുപേര്‍ക്കും ഓരോ സമ്മാനങ്ങള്‍ നല്‍കി. ഒന്നാമന് കുറെ വിത്തും ചാണകവും വളവുമാണ് നല്‍കിയത്. വ്യത്യസ്തമായ സമ്മാനം എന്ന് പറഞ്ഞ് സന്തോഷത്തോടെ അവനത് സ്വീകരിച്ചു. മാത്രമല്ല, ഈ പറമ്പുനിറയെ പച്ചക്കറിത്തോട്ടം നിര്‍മ്മിക്കുമെന്ന് അയാള്‍ മാതാപിതാക്കളെ അറിയിച്ചു. രണ്ടാമന് വിലപിടിപ്പുള്ള ഒരു ലാപ്‌ടോപ്പ് ആണ് കൊടുത്തത്. അത് കിട്ടിയ ഉടനെ അയാള്‍ പറഞ്ഞു: ”ഇതൊക്കെ വാങ്ങുമ്പോള്‍ ഏറ്റവും പുതിയ മോഡല്‍ തന്നെ നോക്കി വാങ്ങണ്ടേ, എനിക്കിത് തീരെ ഇഷ്ടപ്പെട്ടില്ല…” നമുക്ക് എന്ത് ലഭിക്കുന്നു എന്നതിലല്ല, ലഭ്യമായവയെ എങ്ങിനെ വിനിയോഗിക്കുന്നു എന്നതിലാണ് കാര്യം. ന്യൂനതകള്‍ കണ്ടെത്തുകയും പരാതി പറയുകയും ചെയ്യുന്നവരുടെ അടിസ്ഥാന കാരണം കയ്യിലുള്ളവയുടെ സാധ്യതതകളെക്കുറിച്ചുള്ള…
Read More » -
ജീവിതം പൂര്‍ണ്ണമായും ഉപയോഗിക്കൂ, മടിയും നിഷ്ക്രീയത്വവും ‘കുടി കെടുത്തും’
വെളിച്ചം അയാൾ വലിയ പിശുക്കനായിരുന്നു. ഒരു ദിവസം അയാളുടെ ഗുരു അയാളെ തേടി എത്തി. വാതില്‍ പല തവണ മുട്ടുന്നത് കേട്ടപ്പോള്‍ അയാള്‍ പറഞ്ഞു: “ഇവിടെ ഒന്നും കഴിക്കാനില്ല. കാത്തുനില്‍ക്കേണ്ട…” ‘എന്തെങ്കിലും തരാതെ താന്‍ പോകില്ലെ’ന്നായി ഗുരു. നേരം വെളുത്തപ്പോഴും മുററത്ത് നില്‍ക്കുന്ന ഗുരുവിനെ കണ്ടപ്പോള്‍ അയാള്‍ ഭയന്നു. വേഗം അകത്ത് വിളിച്ചുകൊണ്ടുപോയി ഭക്ഷണം വിളമ്പി. ഗുരു പറഞ്ഞു: “എനിക്ക് ഭക്ഷണം വേണ്ട. പകരം ഈ പറമ്പില്‍ നീ രണ്ടു കിണറുകള്‍ കുത്തണം.” അയാള്‍ പാതി മനസ്സോടെ രണ്ടു കിണറുകള്‍ കുത്തി. ഗുരു പറഞ്ഞു: “ഞാന്‍ ഒരു യാത്ര പോവുകയാണ്. ഒരു വര്‍ഷം കഴിഞ്ഞേ വരൂ. നീ ഈ രണ്ടു കിണറുകളില്‍ ഒന്ന് മൂടിയിടണം. മറ്റൊന്നില്‍ നിന്നും നാട്ടുകാര്‍ക്ക് വെളളം നല്‍കണം.” നാളുകള്‍ക്ക് ശേഷം ഗുരു തിരിച്ചെത്തി. തുറന്നിരുന്ന കിണറില്‍ നിന്നും എല്ലാവരും വെള്ളമെടുത്തെങ്കിലും അതില്‍ വെളളത്തിന് ഒട്ടും കുറവുണ്ടായിരുന്നില്ല. എന്നാല്‍ മൂടി കിടന്നിരുന്ന കിണറ്റിലെ വെള്ളമാകട്ടെ ഉപയോഗശൂന്യമായിമാറി. ഗുരു…
Read More » -
വെല്ലുവിളികളാണ് ജീവിതത്തിന് കരുത്തു നൽകുന്നത്, അതല്ലെങ്കിൽ പ്രതിസന്ധികളിൽ തളർന്നു പോകും
വെളിച്ചം “എങ്ങനെയാണ് വലുതാകുമ്പോള്‍ വിജയിക്കേണ്ടത്…?” അവന്‍ മുത്തച്ഛനോട് ചോദിച്ചു. മുത്തച്ഛന്‍ അവനെയും കൊണ്ട് ഒരു നേഴ്‌സറിയിലെത്തി. അവിടെ നിന്ന് 2 ചെടികള്‍ വാങ്ങി. ഒന്ന് വീട്ടുമുറ്റത്തും, മറ്റേത് ചട്ടിയിലാക്കി മുറിക്കകത്തും വച്ചു. ‘ഏതു ചെടിയാണ് ഇതില്‍ നന്നായി വളരുക’ എന്ന മുത്തച്ഛന്റെ ചോദ്യത്തിന് അവന്‍ പറഞ്ഞത് ‘മുറിക്കുളളിലെ ചെടി’ എന്നാണ്. അതിന് വെയിലും മഴയും കൊള്ളേണ്ടല്ലോ. സമയാസമയം വെള്ളവും വളവും കിട്ടും. മാസങ്ങള്‍ കടന്നപോയി. മുത്തച്ഛന്‍ രണ്ടു ചെടികളും കാണിച്ച് അവനോട് ചോദിച്ചു: “ഏതാണ് കൂടുതല്‍ വളര്‍ന്നത്…?” മുറ്റത്തെ ചെടിയുടെ വളര്‍ച്ചയില്‍ അത്ഭുതപ്പെട്ട കുട്ടി ചോദിച്ചു: “ഇതെങ്ങനെ സംഭവിച്ചു…?” മുത്തച്ഛന്‍ പറഞ്ഞു: “വെല്ലുവിളികള്‍ നേരിടാത്തതൊന്നും വളരേണ്ട പോലെ വളരില്ല. സുരക്ഷിതത്വവും സംരക്ഷണവും നിബന്ധനകള്‍ക്ക് വിധേയമായിരിക്കണം. ഒന്നിനും എക്കാലവും സംരക്ഷണവലയം ആവശ്യമില്ല. അങ്ങനെ വളര്‍ന്നവയൊന്നും സ്വയംപര്യാപ്തതയുടെ ബാലപാഠങ്ങള്‍ പോലും പഠിച്ചിട്ടുണ്ടാകില്ല.തണില്‍ മാത്രം വളരുന്നവ തളിരിടുമെങ്കിലും തന്റേടത്തോടെ വളരില്ല…” കുട്ടി കൗതുകത്തോടെ ശ്രദ്ധിച്ചപ്പോൾ മുത്തച്ഛന്‍ തുടർന്നു: “ഒരിക്കലും പരിചയപ്പെട്ടിട്ടില്ലാത്ത മഴയും വെയിലും…
Read More » -
എല്ലാ പ്രതിസന്ധികളിലും ഒപ്പം നിൽക്കുന്ന ഒരാൾ: നിർഭയരായി ജീവിക്കാന്‍ അതിനപ്പുറം മറ്റൊന്നും വേണ്ട
വെളിച്ചം മറ്റൊരു നാട്ടിൽ താമസിക്കുന്ന തന്റെ മുത്തച്ഛനേയും മുത്തശ്ശിയേയും തനിയെ പോയി കാണണം എന്നായിരുന്നു കുട്ടിക്കാലം മുതലേ അവന്റെ ആഗ്രഹം. ഹൈസ്‌ക്കൂളിൽ എത്തിയപ്പോള്‍ അവന്‍ തന്റെ ആഗ്രഹം വീണ്ടും മാതാപിതാക്കളെ അറിയിച്ചു. ഒടുവിൽ തനിച്ചുപോകാന്‍ അച്ഛൻ അനുവാദം നൽകി. മുത്തച്ഛൻ്റെ നാട്ടിലേയ്ക്കു പോകുന്ന ട്രെയിനില്‍ അച്ഛന്‍ അവനെ കയറ്റിയിരുത്തി. അവസാനം ഒരു കത്ത് മകനെ ഏൽപ്പിച്ചിട്ട് അച്ഛന്‍ പറഞ്ഞു: “എപ്പോഴെങ്കിലും നിനക്ക് പേടി തോന്നുകയാണെങ്കില്‍ ഈ കത്ത് തുറന്ന് നോക്കുക.” ട്രെയിന്‍ പുറപ്പെട്ടു. കുറെ ദൂരം പിന്നിട്ടപ്പോള്‍ ബോഗിയിലെ ആളുകള്‍ കുറഞ്ഞു. അപ്പോഴാണ് കണ്ടാല്‍ ഭയം തോന്നുന്ന ഒരാള്‍ ആ ബോഗിയില്‍ കയറിയത്. തൻ്റെ സമീപത്തു വന്നിരുന്ന അയാളെ കണ്ടപ്പോൾ അവനും ഭീതി തോന്നി. അപ്പോഴാണ് അച്ഛന്‍ നല്‍കിയ കത്തിന്റെ കാര്യം ഓര്‍മ്മവന്നത്. അവന്‍ ആ കത്ത് തുറന്ന് നോക്കി. അതില്‍ ഇങ്ങനെ എഴുതിയിരുന്നു: “നീ പേടിക്കേണ്ട, ഞാന്‍ തൊട്ടടുത്ത ബോഗിയില്‍ ഉണ്ട്…” എല്ലാ പ്രതിസന്ധി ഘട്ടത്തിലും ഒരാൾ…
Read More » -
മറന്നു പോകരുത് ഈ സത്യം…! ജീവിതത്തില്‍ രണ്ടാമതൊരവസരം അപ്രതീക്ഷിതവും അപൂർവ്വവുമായിരിക്കും
വെളിച്ചം വിവാഹജീവിതത്തിന്റെ ആദ്യത്തെ കുറെ വര്‍ഷങ്ങള്‍ അവര്‍ മാതൃകാദമ്പതികളായിരുന്നു. പിന്നീട് അവരുടെ ജീവിതത്തില്‍ പ്രശ്‌നങ്ങളും വഴക്കുകളുമായി. കുറച്ചുനാള്‍ പിരിഞ്ഞു താമസിച്ചു അവര്‍. എങ്കിലും ആ വര്‍ഷത്തെ വിവാഹവാര്‍ഷികത്തിന് അയാള്‍ ഒരു കെട്ട് പൂക്കളുമായി തന്റെ ഭാര്യയുടെ അടുത്തെത്തി. അവള്‍ പിണക്കം മറന്ന് സന്തോഷത്തോടെ അത് സ്വീകരിച്ചു. തന്നെ ഉണ്ടാക്കിയ കേക്കെടുത്ത് അലങ്കരിക്കുന്ന സമയത്ത് അവള്‍ക്ക് ഒരു ഫോണ്‍വന്നു. ഫോണെടുത്തപ്പോള്‍ മറുവശത്ത് ഒരു പോലീസുകാരന്‍ ആയിരുന്നു. അയാള്‍ പറഞ്ഞു: “നിങ്ങളുടെ ഭര്‍ത്താവിന്റെ മരണവാര്‍ത്ത അറിയിക്കാനാണ് ഞാന്‍ വിളിക്കുന്നത്…” വാര്‍ത്ത അവര്‍ നിഷേധിച്ചു. ഭര്‍ത്താവ് തന്റെ കൂടെയുണ്ടെന്ന് അവള്‍ അറിയിച്ചു. പോലീസുകാരന്‍ പറഞ്ഞു: “ഇന്ന് വൈകുന്നേരമുണ്ടായ ഒരു വാഹനാപകടത്തില്‍ നിങ്ങളുടെ ഭര്‍ത്താവ് മരിച്ചു. അയാളുടെ പേഴ്‌സില്‍ നിന്നും കിട്ടിയ നമ്പറില്‍ നിന്നാണ് ഞാന്‍ നിങ്ങളെ വിളിക്കുന്നത്…” പൂക്കളുമായി വന്ന ഭര്‍ത്താവ് തന്റെ തോന്നലായിരുന്നോ എന്ന് ഒരു നിമിഷം അവള്‍ ശങ്കിച്ചു. സ്വീകരണമുറിയില്‍ വന്ന് നോക്കിയപ്പോള്‍ അവിടെ ഭര്‍ത്താവ് ഉണ്ടായിരുന്നില്ല. അവള്‍ നിലവിളിച്ചു. ഒരവസരം…
Read More » -
അറിയാവുന്നതിലും ആയിരം ഇരട്ടിയാണ് അറിയാത്ത കാര്യങ്ങൾ, ആ തിരിച്ചറിവാണ് ജ്ഞാനത്തിലേക്കുളള വഴി
വെളിച്ചം പ്രസിദ്ധനായ ഒരു എഴുത്തുകാരനായിരുന്നു അയാൾ. ഒരു ദിവസം അയാൾ യോഗവര്യനോട് പറഞ്ഞു: “എനിക്ക് ചില സംശയങ്ങള്‍ ഉണ്ട്. അങ്ങേക്കതിന് ഉത്തരം കണ്ടെത്താന്‍ സാധിക്കുമോ…?” യോഗവര്യന്‍ കുറച്ച് കടലാസ്സും പേനയും കൊടുത്തിട്ടു പറഞ്ഞു: “നിങ്ങള്‍ക്ക് അറിയാത്ത കാര്യങ്ങള്‍ ആദ്യം ഇതില്‍ എഴുതൂ.. എന്നിട്ട് നമുക്ക് സംശയങ്ങള്‍ തീര്‍ക്കാം.” അയാള്‍ എഴുതിതുടങ്ങി. എത്രയെഴുതിയിട്ടും അറിയാത്ത കാര്യങ്ങള്‍ തീരുന്നില്ല. അവസാനം അയാള്‍ യോഗവര്യനോട് പറഞ്ഞു: “ഇനിയുമുണ്ട് എനിക്കെഴുതാന്‍. പക്ഷേ, സ്ഥലം തികയില്ല…” ”ഇത്രയധികം കാര്യങ്ങളില്‍ അറിവില്ലാതിരുന്നിട്ടും എങ്ങനെ ഇത്രയധികം പുസ്തകങ്ങള്‍ എഴുതി…?” യോഗിവര്യൻ ചോദിച്ചപ്പോൾ എഴുത്തുകാരന്‍ പറഞ്ഞു: “അതെല്ലാം എനിക്കറിയാവുന്ന വളരെകുറച്ച് കാര്യങ്ങള്‍ മാത്രമായിരുന്നു. അറിവിന്റെ കാര്യത്തില്‍ ഞാന്‍ വെറും പൂജ്യമാണെന്ന് ഇപ്പോള്‍ തിരിച്ചറിയുന്നു…” യോഗവര്യന്‍ പുഞ്ചിരിച്ചുകൊണ്ട് പറഞ്ഞു: “ഇനി താങ്കൾക്ക് സംശയങ്ങള്‍ ചോദിക്കുവാനുളള യോഗ്യതയായി.. ചോദിക്കൂ…” അയാള്‍ തന്റെ സംശയങ്ങളിലേക്ക് കടന്നു. പരീക്ഷയിലെ ചോദ്യങ്ങള്‍, നമുക്ക് എന്തെല്ലാം അറിയും എന്നളക്കാനാണ്. എന്നാല്‍ ജീവിതത്തിലെ പരീക്ഷണങ്ങള്‍ നമുക്ക് എന്തൊക്കെ…
Read More » -
സ്വന്തം കഴിവിനെക്കുറിച്ച് പാടിപ്പുകഴ്ത്തരുത്, നമ്മുടെ പ്രവർത്തിപഥങ്ങളിൽ ആ പ്രതിഭ പ്രതിഫലിക്കണം
വെളിച്ചം ആ തത്ത വളരെ അഹങ്കാരിയായിരുന്നു. ഒരു ദിവസം അവള്‍ പരുന്തിനോട് പറഞ്ഞു: “എനിക്ക് എത്ര ഉയരമുളള മരത്തിനുമുകളിലും പറക്കാനാകും. നിനക്കെത്ര ഉയരത്തില്‍ പറക്കാനാകും?” പരുന്ത് പറഞ്ഞു: “ഞാന്‍ നന്നായി പറക്കുന്ന ആളല്ല. അതുകൊണ്ട് ഞാന്‍ മരങ്ങളുടെ പൊക്കത്തിനൊപ്പം ഉയരാറില്ല…” “ഞാന്‍ നിന്നെ ഉയരത്തില്‍ പറക്കാന്‍ പഠിപ്പിക്കാം…” തത്ത പറഞ്ഞു. പരുന്ത് സമ്മതിച്ചു. തത്ത കാണിച്ചു കൊടുത്തതു പ്രകാരം പരുന്ത് പറക്കാന്‍ തുടങ്ങി. അത് മുകളിലേക്കുയരുന്നതും ഒഴുകി നടക്കുന്നതും കണ്ട് തത്ത അമ്പരന്നു. പരുന്ത് തിരിച്ചെത്തിയപ്പോള്‍ തത്ത ചോദിച്ചു: “നീ ഇത്രയേറെ മിടുക്കനാണെന്ന് എന്തുകൊണ്ട് പറഞ്ഞില്ല…” പരുന്ത് പറഞ്ഞു: “ഞാന്‍ പറഞ്ഞു നടക്കാറില്ല. ആവശ്യത്തിനനുസരിച്ച് ചെയ്ത് കാണിക്കും…” ചിലര്‍ അങ്ങിനെയാണ് അവരുടെ കഴിവുകളെക്കുറിച്ച് സംസാരിച്ചുകൊണ്ടേയിരിക്കും. എന്നാല്‍ മറ്റുചിലരുടെ കഴിവുകള്‍ അവരെക്കുറിച്ച് സംസാരിക്കും. സ്വന്തം മികവുകളെക്കുറിച്ച് ഉത്തമബോധ്യമുളളവര്‍ സ്വയം പുകഴ്ത്തി നടക്കില്ല. അവരുടെ പ്രവൃത്തിപഥങ്ങളില്‍ ആ മികവുകളുടെ അടയാളങ്ങള്‍ പ്രത്യേക്ഷപ്പെട്ടുകൊണ്ടേയിരിക്കും. അസാധാരണപ്രവൃത്തികള്‍…
Read More »