മലയാളികള്‍ക്ക് ഏറെ പ്രിയപ്പെട്ട താരങ്ങളില്‍ ഒരാളാണ് നടി മാളവിക മോഹനന്‍. മലയാളം സിനിമകളിലൂടെയാണ് താരം കരിയര്‍ ആരംഭിച്ചത്. ‘പട്ടം പോലെ’ എന്ന സിനിമയില്‍ ആയിരുന്നു താരം ആദ്യം അഭിനയിച്ചത്. ഇതിനുശേഷം ആസിഫ് അലിയുടെ ‘നിര്‍ണായകം’ എന്ന സിനിമയിലും താരം അഭിനയിച്ചു. ഈ രണ്ടു സിനിമകളും ബോക്‌സ് ഓഫീസില്‍ വലിയ ദുരന്തങ്ങള്‍ ആയി മാറിയതോടെ താരം അന്യഭാഷയിലേക്ക് ചേക്കേറുകയായിരുന്നു.
നിരവധി തമിഴ് തെലുങ്ക് സിനിമകളില്‍ താരം അഭിനയിച്ചു എന്നു മാത്രമല്ല ഈ സിനിമകള്‍ എല്ലാം തന്നെ സൂപ്പര്‍ ഹിറ്റ് ആയി. തെന്നിന്ത്യയിലെ മുന്‍നിര നടിമാരില്‍ ഒരാളായി മാറിയ താരം അടുത്തിടെ ക്രിസ്റ്റി എന്ന മലയാള സിനിമയില്‍ അഭിനയിച്ചിരുന്നു. ഇത് വലിയ രീതിയില്‍ പ്രേക്ഷക പ്രശംസ പിടിച്ചുപറ്റുകയും ചെയ്തു.
‘തങ്കലാന്‍’ എന്ന സിനിമയിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. പാ രഞ്ജിത്ത് ആണ് ഈ സിനിമ സംവിധാനം ചെയ്യുന്നത്. ചിയാന്‍ വിക്രമാണ് സിനിമയിലേ കേന്ദ്ര കഥാപാത്രത്തെ അവതരിപ്പിക്കുന്നത്. വിക്രം ആണ് ഈ ഫോട്ടോ എടുത്തിരിക്കുന്നത്. ജീവി പ്രകാശ് കുമാര്‍ ആണ് സിനിമയുടെ സംഗീത സംവിധാനം നിര്‍വഹിക്കുന്നത്. പത്തൊമ്പതാം നൂറ്റാണ്ടിലെ കഥയാണ് ചിത്രം പറയുന്നത്. കോളാര്‍ ഗോള്‍ഡ് ഫീല്‍ഡില്‍ നടന്ന ഒരു സംഭവത്തെ ആസ്പദമാക്കിയാണ് ചിത്രം കഥ പറയുന്നത് എന്നാണ് ലഭിക്കുന്ന വിവരങ്ങള്‍. മലയാളികളുടെ പ്രിയപ്പെട്ട നടിയായ പാര്‍വതിയും ഇതില്‍ ശ്രദ്ധേയമായ ഒരു കഥാപാത്രത്തെ അവതരിപ്പിക്കുന്നുണ്ട് എന്നാണ് ലഭിക്കുന്ന വിവരങ്ങള്‍.
