രാത്രി നഗ്‌നയായെത്തി വീടുകളുടെ കോളിംഗ് ബെല്‍ അടിക്കുന്ന യുവതി; അന്വേഷണത്തില്‍ ലഭിച്ച വിവരം പങ്കുവച്ച് പോലീസ്
ലക്‌നൗ : കൊടുംതണുപ്പില്‍ തെരുവുകളിലൂടെ നഗ്‌നയായി സഞ്ചരിക്കുന്ന യുവതിയെ കുറിച്ചുള്ള കൂടുതല്‍ വിവരങ്ങള്‍ പുറത്ത്. ഉത്തര്‍പ്രദേശിലെ രാംപൂരിലാണ് അജ്ഞാത സ്ത്രീയുടെ രാത്രി നടത്തത്തിന്റെ സിസി ടിവി ദൃശ്യങ്ങള്‍ പുറത്ത് വന്നത്. സമൂഹമാദ്ധ്യമങ്ങളിലടക്കം വീഡിയോ വ്യാപകമായതോടെയാണ് പോലീസ് അന്വേഷണത്തിന് ഇറങ്ങിയത്. അലഞ്ഞുതിരിയുന്ന യുവതിക്ക് മാനസികാസ്വാസ്ഥ്യമുണ്ടെന്നും അഞ്ച് വര്‍ഷമായി ചികിത്സയിലാണെന്നും പോലീസ് വെളിപ്പെടുത്തി.
രാംപൂര്‍ പോലീസാണ് സംഭവത്തില്‍ വിവരങ്ങള്‍ ശേഖരിച്ചത്. യുവതിയുടെ മാതാപിതാക്കളെ കണ്ടെത്തിയാണ് പോലീസ് കാര്യങ്ങള്‍ അറിഞ്ഞത്. യുവതി വീട്ടില്‍നിന്നു രാത്രി പുറത്ത് പോകാതെ സംരക്ഷിക്കാന്‍ നിര്‍ദ്ദേശം നല്‍കിയതായും പോലീസ് പറഞ്ഞു. അര്‍ദ്ധരാത്രിയില്‍ നഗ്‌നയായ സ്ത്രീ വീടുകളുടെ ഡോര്‍ബെല്‍ അടിക്കുന്ന സിസി ടിവി വീഡിയോ സോഷ്യല്‍ മീഡിയയില്‍ വൈറലായതോടെ ജില്ലയിലെ ജനങ്ങള്‍ പരിഭ്രാന്തിയിലായിരുന്നു.
रात डेढ़ बजे रामपुर में इनको निर्वस्त्र सड़क पर देखा गया.. पता नहीं कब से निर्वस्त्र होंगी.. कहां-कहां भटकी!! नहीं पता कौन हैं?? क्या परिस्थितियां थीं?? पर सीसीटीवी फुटेज में रात 3 बजे तक निर्वस्त्र ही दिखीं.. उसके बाद?? कहां है पुलिस!! क्या है कानून व्यवस्था?? शर्म है @Uppolice pic.twitter.com/nfI2r2kEBq
— Vivek K. Tripathi (@meevkt) February 2, 2023
മിലാക് ഗ്രാമത്തില്‍ നിന്നുള്ള സംഭവം രാജ്യമൊട്ടാകെ സമൂഹമാദ്ധ്യമങ്ങളിലൂടെ പ്രചരിക്കുകയായിരുന്നു. വീടുകളുടെ ഡോര്‍ബെല്‍ അടിച്ച് ഞൊടിയിടയില്‍ അപ്രത്യക്ഷമാവുന്ന യുവതിയെ കുറിച്ച് പല കഥകളും പ്രചരിച്ചു. എന്നാല്‍, സംഭവം വിശദമാക്കിയ പോലീസ് ഭയമോ ആശയക്കുഴപ്പമോ ഉണ്ടാക്കുന്ന തരത്തില്‍ സോഷ്യല്‍ മീഡിയയില്‍ തെറ്റിദ്ധരിപ്പിക്കുന്ന വിവരങ്ങള്‍ പങ്കിടരുതെന്ന് അഭ്യര്‍ത്ഥിച്ചു. യുവതി ആരെയും ഉപദ്രവിച്ചിട്ടില്ലെന്നും പോലീസ് പറഞ്ഞു.
