ഇത്തവണ ബിഗ് ബോസ് കൊഴുക്കും! വാശിയേറിയ സീസണ്‍ ഫൈവില്‍ എത്താന്‍ പോകുന്നത് ആരെല്ലാം എന്ന് കണ്ടോ?
ബിഗ് ബോസ് സീസണ്‍ 1 വലിയ ജനപ്രീതി ലഭിച്ചുകൊണ്ട് വിജയകരമായതിന് പിന്നാലെ ബിഗ് ബോസ് സീസണ്‍ 2 ജനപ്രീതി നേടി മുന്നേറിക്കൊണ്ടിരിക്കുമ്പോഴായിരുന്നു കോവിഡിന്റെ വരവ് അതോടെ ഷോ പകുതിക്ക് വെച്ച് അവസാനിപ്പിക്കേണ്ടി വന്നു.അതില്‍ വിജയിയെ ഒന്നും പ്രഖ്യാപിക്കാന്‍ സാധിച്ചിരുന്നില്ല. വലിയ ഹൈപ്പുമായി വന്ന ബിഗ് ബോസ് സീസണ്‍ 3 യും ഏകദേശം തീരാറാകുമ്പോള്‍ കോവിഡ് കാരണം തന്നെ തടസ്സപ്പെട്ടു.
എന്നാല്‍, ഒടുവില്‍ ജനങ്ങളുടെ വോട്ടെടുപ്പിലൂടെ വിജയിയെ പ്രഖ്യാപിക്കുകയായിരുന്നു. അങ്ങനെ ബിഗ് ബോസ് സീസണ്‍ 3 യുടെ വിജയിയായി മണിക്കുട്ടനെ തെരഞ്ഞെടുക്കുകയും ചെയ്തു. ബിഗ് ബോസ് സീസണ്‍ ഫോര്‍ വളരെയധികം ജനശ്രദ്ധ നേടുകയും അതേപോലെതന്നെ സമൂഹമാധ്യമങ്ങളില്‍ ചര്‍ച്ചാ വിഷയമായി മാറുകയും ചെയ്തിരുന്നു. അതിനു കാരണം ആദ്യമായാണ് ഒരു ടെലിവിഷന്‍ റിയാലിറ്റി ഷോയില്‍ എല്‍ജിബിടിക്യു കമ്മ്യൂണിറ്റിയിലുള്ള ഇത്രയധികം പാര്‍ട്ടിസിപ്പന്‍സിനെ ഉള്‍ക്കൊള്ളിച്ചുകൊണ്ട് ഒരു ഷോ നടത്തുന്നത്.
ബിഗ് ബോസ് സീസണ്‍ 4 മറ്റൊരു പ്രത്യേകത മലയാളം ബിഗ് ബോസ് ഷോയിലെ വിജയിയായി ഒരു ലേഡിയെ ആണ് തെരഞ്ഞെടുത്തത് എന്നതാണ്. ദില്‍ഷ പ്രസന്നന്‍ ആയിരുന്നു വിജയി. ഇപ്പോള്‍ എല്ലാവരും എത്തി നോക്കുന്നത് ബിഗ് ബോസ് സീസണ്‍ 5 ഓഡിഷന്‍ എപ്പോഴാണെന്നും ഏതൊക്കെ മത്സരാര്‍ത്ഥികളാണ് ഉണ്ടാവുക, എപ്പോഴാണ് ആരംഭിക്കുക തുടങ്ങിയവയൊക്കെയാണ്. സീസണ്‍ 5 ന്റെ അവതാരകനായി മോഹന്‍ലാല്‍ തന്നെയായിരിക്കും എന്ന പ്രതീക്ഷയിലാണ് പ്രേക്ഷകര്‍.
മുംബൈ സെറ്റില്‍ തന്നെയായിരിക്കും മിക്കവാറും അടുത്ത സീസണും നടക്കുക എന്നാണ് റൂമറുകള്‍. ബിഗ് ബോസ് സീസണ്‍ ഫൈവിലേക്കുള്ള പല പ്രഡിക്ഷന്‍ ലിസ്റ്റുകളും ആണ് ഇപ്പോള്‍ സമൂഹ മാധ്യമങ്ങളിലൂടെ പുറത്തുവന്നുകൊണ്ടിരിക്കുന്നത്. സീസണ്‍ ഫോറിലുണ്ടായിരുന്ന റോബിന്‍ വിവാഹം ചെയ്യാന്‍ പോകുന്ന ആരതി പൊടി ഈ സീസണില്‍ ഉണ്ടാകുമെന്നാണ് അറിയാന്‍ കഴിയുന്നത്. നടിയും അതുപോലെ തന്നെ മോഡലും ഡിസൈനറും ഒക്കെയാണ് ആരതി.
സ്റ്റാര്‍ മേജിക്കിലൂടെ ജനശ്രദ്ധ നേടിയ ബിനീഷ് ബാസ്റ്റിന്‍ ആണ് മറ്റൊരു മത്സരാര്‍ത്ഥി. നടിയും അതേപോലെതന്നെ സമൂഹത്തിലെ കഷ്ടത അനുഭവിക്കുന്നവരുടെ ഉന്നമനത്തിനു വേണ്ടി പ്രവര്‍ത്തിക്കുന്ന സീമ ജി നായര്‍, യൂട്യൂബര്‍ ആയ വീണാമുകുന്ദന്‍, നടനും അതേപോലെതന്നെ യൂട്യൂബറുമായ കൃഷ്ണകുമാര്‍ ഇവരെ കൂടാതെ ടെലിവിഷന്‍ താരങ്ങളായ അരുണ്‍ രാഘവ്, അപ്‌സര, സാജന്‍ സൂര്യ, ശ്രീവിദ്യ, ബിനു അടിമാലി, അമ്പിളി ദേവി, മഞ്ജുപിള്ള, അന്‍ഷിദ, മീനാക്ഷി, ശരണ്യ മോഹന്‍ തുടങ്ങിയ പേരുകളൊക്കെയാണ് ഇപ്പോള്‍ പുറത്തു വന്നുകൊണ്ടിരിക്കുന്നത്. അധികാരികളുടെ അടുത്തുനിന്നും ഒരു വ്യക്തമായ ലിസ്റ്റ് കിട്ടുന്നതുവരെ ഇത്തരത്തിലുള്ള പല പ്രഡിക്ഷനുകളും പുറത്തുവന്നുകൊണ്ടിരിക്കുന്നു.
