കോഴിക്കോട്: മുസ്ലിം ലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടി അന്വേഷണ ഉദ്യോഗസ്ഥരെ സ്വാധിനിച്ചുവെന്ന വെളിപ്പെടുത്തലിനു പിന്നാലെ അരിയിൽ ഷുക്കൂര് വധക്കേസിൽ വീണ്ടും നിയമയുദ്ധത്തിന് കളമൊരുങ്ങുന്നു. പി.കെ കുഞ്ഞാലിക്കുട്ടി അന്വേഷണ ഉദ്യോഗസ്ഥരെ സ്വാധിനിച്ചുവെന്ന് കണ്ണൂരിലെ പ്രമുഖ അഭിഭാഷകന് ടി പി ഹരീന്ദ്രന്റെ വെളിപ്പെടുത്തലാണ് വിവാദമായത്. ഈ കാര്യത്തില് സിബിഐ അന്വേഷണം ആവശ്യപെട്ട് താന് ഹൈകോടതിയെ സമീപിക്കുമെന്ന ടിപി ഹരിന്ദ്രന്റെ മുന്നറിയിപ്പ് മുസ്ലിം ലീഗിനെയും പ്രതിരോധത്തിലാക്കി.
ടി.പി ഹരീന്ദ്രന്റെ പിന്നില് മറ്റു ചിലരുണ്ടെന്നും ഇവര് ഗുഢാലോചന നടത്തിയെന്നുമാണ് ഇതിനെ പ്രതിരോധിക്കുന്നതിനായി ലീഗ് നേതൃത്വം ഉയര്ത്തുന്ന വാദഗതികള്. പാര്ട്ടി സംസ്ഥാന കമ്മിറ്റിയുടെ നിര്ദ്ദേശപ്രകാരം സംസ്ഥാനത്തെ 16 ജില്ലകളിലെ പോലീസ് സ്റ്റേഷനുകളില് വ്യാജ പ്രചരണം നടത്തിയെന്നു ആരോപിച്ചു ലീഗിന്റെ അഭിഭാഷകര് ടിപി ഹരീന്ദ്രന്, വാര്ത്ത സംപ്രഷണം ചെയ്ത ചാനല് എംഡി, റിപ്പോര്ട്ട് എന്നിവര്ക്കെതിരെ ക്രിമിനല് കേസ് നല്കിയിട്ടുണ്ട്.
ഇ.പി ജയരാജന്റെ റിസോര്ട് വിവാദത്തില് അതുഅവരുടെ പാര്ട്ടിയുടെ ആഭ്യന്തര വിഷയമാണെന്ന പികെ കുഞ്ഞാലിക്കുട്ടി യുടെ പ്രതികരണമാണ് ആരോപണത്തിന് പിന്നിലെ പ്രകോപനമെന്നാണ് മുസ്ലീം ലീഗിന്റെ വിലയിരുത്തല്.തികച്ചും യാദ്യശ്ചിമായി ഉയര്ന്നുവന്ന ആരോപണമല്ല പികെ കുഞ്ഞാലിക്കുട്ടിക്കെതിരെ ഉയര്ന്നുവന്നതെന്ന വിലയിരുത്തലാണ് മുസ്ലീം ലീഗ് നേതൃത്വത്തിനുള്ളത്.
