പത്തനംതിട്ട: വിദേശത്ത് ജോലി വാഗ്ദാനം ചെയ്ത് ലക്ഷങ്ങൾ തട്ടിയെടുത്ത കേസില്‍ രണ്ടു സ്ത്രീകള്‍ അറസ്റ്റില്‍. പിറവന്തൂര്‍ കുറുമ്പകരവീട്ടില്‍ ശുഭ (33), ആലപ്പുഴ രാമന്‍കരി മഠത്തില്‍ പറമ്പില്‍ അന്നമ്മ ജോസഫ് (32) എന്നിവരെയാണ് അറസ്റ്റ് ചെയ്തത്. കോന്നി സ്വദേശി സജി മാത്യുവിന്റെ പരാതിയിലാണ് നടപടി. കോടികള്‍ തട്ടിയെന്ന പരാതിയില്‍ കഴിഞ്ഞ ഒക്ടോബറില്‍ അറസ്റ്റിലായ മാങ്കോട് മുള്ളൂര്‍നിരപ്പ് പാറക്കടവില്‍ പി.ജി.അനീഷിന്റെ (35) ഭാര്യയാണ് ശുഭ. ശുഭയുടെ സുഹൃത്താണ് അന്നമ്മ ജോസഫ്. ജോലി തട്ടിപ്പാണ് അവർക്കെതിരെ നിരവധി സ്റ്റേഷനുകളിൽ കേസ് ഉള്ളതായാണ് വിവരം.
കോന്നി സ്വദേശിയില്‍ നിന്ന് 30 ലക്ഷത്തോളം രൂപ നഷ്ടപ്പെട്ടതായാണ് പരാതി. ജോലി ലഭ്യമാക്കുന്നതിന്റെ ആവശ്യത്തിനായി ഇദ്ദേഹം അനീഷിനു നല്‍കിയ കാറും പൊലീസ് കസ്റ്റഡിയിലെടുത്തു. കൊല്ലം, പത്തനംതിട്ട ജില്ലകളിലെ വിവിധ പൊലീസ് സ്റ്റേഷനുകളില്‍ ഈ സംഘത്തിനെതിരെ പരാതിയുണ്ട്.
