LIFEMovie

റോട്ടർഡാം ചലച്ചിത്ര മേളയിൽ ഡോൺ പാലത്തറയുടെ സോഷ്യൽ ഡ്രാമ ചിത്രം ‘ഫാമിലി’

ഡോൺ പാലത്തറ സംവിധാനം ചെയ്ത ചിത്രം ഫാമിലി റോട്ടർഡാം ചലച്ചിത്രോത്സവത്തിലേക്ക്. ചിത്രത്തിൻറെ വേൾഡ് പ്രീമിയറാണ് റോട്ടർഡാമിൽ നടക്കുക. 2023 ജനുവരി 25 മുതൽ ഫെബ്രുവരി 5 വരെയാണ് അടുത്ത ഫെസ്റ്റിവൽ. സോഷ്യൽ ഡ്രാമ വിഭാ​ഗത്തിൽ പെടുന്ന ചിത്രം സോണി എന്ന കേന്ദ്ര കഥാപാത്രത്തിൻറെ കണ്ണിലൂടെയാണ് ഇതൾ വിരിയുന്നത്. ക്രിസ്ത്യൻ ഭൂരിപക്ഷമുള്ള ഒരു കേരളീയ ​ഗ്രാമം പശ്ചാത്തലമാക്കുന്ന ചിത്രം നാട്ടുജീവിതത്തിലെ പരസ്പരവൈരുദ്ധ്യങ്ങളെ ചേർത്തുവെക്കുന്നു. വിനയ് ഫോർട്ട് ആണ് ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നത്. 111 മിനിറ്റ് ആണ് ചിത്രത്തിൻറെ ദൈർഘ്യം. സംവിധായകൻ തന്നെ എഡിറ്റിം​ഗും നിർവ്വഹിച്ചിരിക്കുന്ന ചിത്രത്തിൻറെ നിർമ്മാണം ന്യൂട്ടൺ സിനിമ ആണ്. ഡോൺ പാലത്തറയും ഷെറിൻ കാതറിനും ചേർന്നാണ് രചന നിർവ്വഹിച്ചിരിക്കുന്നത്.

ഛായാ​ഗ്രഹണം ജലീൽ ബാദുഷ, പ്രൊഡക്ഷൻ മാനേജർ അംശുനാഥ് രാധാകൃഷ്ണൻ, കലാസംവിധാനം അരുൺ ജോസ്, സം​ഗീതം ബേസിൽ സി ജെ, ലൊക്കേഷൻ സിങ്ക് സൗണ്ട് ആദർശ് ജോസഫ് പാലമറ്റം, സൗണ്ട് ഡിസൈൻ രം​ഗനാഥ് രവി, സൗണ്ട് മിക്സിം​ഗ് ഡാൻ ജോസ്, കളറിസ്റ്റ് ശ്രീകുമാർ നായർ, മേക്കപ്പ് മിറ്റ ആൻറണി, വസ്ത്രാലങ്കാരം ആർഷ ഉണ്ണിത്താൻ, വി എഫ് എക്സ് സ്റ്റുഡിയോ എ​​ഗ്​ഗ്‍വൈറ്റ് വിഎഫ്എക്സ്, വിഎഫ്എക്സ് സൂപ്പർവൈസർ തൗഫീഖ് ഹുസൈൻ, ഫസ്റ്റ് അസിസ്റ്റൻറ് ഡയറക്ടർ വിപിൻ വിജയൻ, അസിസ്റ്റൻറ് ഡയറക്ടേഴ്സ് കെൻഷിൻ, റെമിത്ത് കുഞ്ഞിമം​ഗലം, പബ്ലിസിറ്റി ഡിസൈൻസ് ദിലീപ് ദാസ്. ഡോൺ പാലത്തറയുടെ ആറാമത്തെ ചിത്രമാണ് ഫാമിലി. ശവം, വിത്ത്, 1956, മധ്യ തിരുവിതാംകൂർ എവരിതിം​ഗ് ഈസ് സിനിമ, സന്തോഷത്തിൻറെ ഒന്നാം രഹസ്യം എന്നിവയാണ് ഈ സംവിധായകൻറെ മുൻ ചിത്രങ്ങൾ.

Leave a Reply

Your email address will not be published. Required fields are marked *

Back to top button
error: