ഐസിസി ടി20 ലോകകപ്പില്‍ ബംഗ്ലാദേശിനെതിരായ ഇന്ത്യയുടെ വിജയത്തിന് പുറകെ അമ്ബയര്‍മാര്‍ക്കെതിരെ ആരോപണവുമായി പാകിസ്ഥാന്‍ ആരാധകർ
മത്സരത്തില്‍ അമ്ബയര്‍മാരോട് ബംഗ്ലാദേശ് ക്യാപ്റ്റന്‍ ഷാക്കിബ് അല്‍ ഹസന്‍ തര്‍ക്കിക്കുന്ന ചിത്രങ്ങള്‍ പങ്കുവെച്ചുകൊണ്ടാണ് പാക് ആരാധകര്‍ ആരോപണങ്ങൾ. കൂടാതെ വിരാട് കോഹ്ലിയുടെ നിര്‍ദ്ദേശപ്രകാരം അമ്ബയര്‍മാര്‍ വൈഡും നോ ബോളും നല്‍കിയെന്നും പാക് ആരാധകര്‍ ആരോപിക്കുന്നു.
185 റണ്‍സിന്‍്റെ വിജയലക്ഷ്യവുമായി ഇറങ്ങിയ ബംഗ്ലാദേശ് 7 ഓവറില്‍ 66 റണ്‍സ് നേടി നില്‍ക്കവെയാണ് മഴ കളി തടസ്സപെടുത്തിയത്. DLS നിയപ്രകാരം ആ ഘട്ടത്തില്‍ ജയിക്കാന്‍ 49 റണ്‍സായിരുന്നു ബംഗ്ലാദേശിന് വേണ്ടിയിരുന്നത്. എന്നാല്‍ മഴമാറിനിന്ന് കളി പുനരാരംഭിച്ചതോടെ പാകിസ്ഥാന്‍ ആരാധകരുടെയും ബംഗ്ലാദേശ് ആരാധകരുടെയും പ്രതീക്ഷകളെ തകര്‍ത്തുകൊണ്ട് ഇന്ത്യ മത്സരത്തില്‍ ശക്തമായി തിരിച്ചെത്തി.
മത്സരത്തിലെ ഇന്ത്യയുടെ വിജയത്തോടെ പാകിസ്ഥാന്‍്റെ സെമിഫൈനല്‍ പ്രതീക്ഷകള്‍ ഏറെകുറെ അസ്തമിച്ചുകൊണ്ടിരിക്കുകയാണ്. ഇനിയുള്ള രണ്ട് മത്സരങ്ങളില്‍ നല്ല മാര്‍ജിനില്‍ വിജയിച്ചാല്‍ പോലും ഇന്ത്യയും സൗത്താഫ്രിക്കയും ഓരോ മത്സരങ്ങള്‍ വീതം ജയിച്ചാല്‍ പാകിസ്ഥാന്‍ സെമി കാണാതെ പുറത്താകും.
