NEWSWorld

നായയെ വളർത്തുന്നവരാണോ? ഉടൻ വാക്സിനേഷൻ എടുക്കുക, ഇല്ലെങ്കിൽ ഗുരുതരമായ പാർവോവൈറസ് ബാധിക്കാം; ലക്ഷണങ്ങൾ, പ്രതിരോധം, ചികിത്സ ഇവ അറിഞ്ഞിരിക്കുക

നായ്ക്കളിലെ പാർവോവൈറസ് വളരെ ഗുരുതരമായ വൈറൽ രോഗമാണ്. വാക്സിനേഷൻ എടുക്കാത്ത നായ്ക്കുട്ടികളിലും കൗമാരപ്രായക്കാരായ നായ്ക്കളിലും ഇത് കൂടുതലാണെങ്കിലും പ്രായം ചെന്ന നായ്ക്കൾ പോലും അപകടത്തിലാണ്. ഇത് നായയുടെ ദഹനവ്യവസ്ഥയെ ബാധിക്കുന്നു. വളരെ ചുരുങ്ങിയ സമയത്തിനുള്ളിൽ നായയെ മരണത്തിലേക്ക് നയിച്ചേക്കാവുന്ന ഒരു രോഗമാണ് എന്നതിനാൽ ശ്രദ്ധയും അത്യാവശ്യമാണ്.

മലം, ഭക്ഷണം കഴിക്കുന്ന പാത്രങ്ങൾ, രോഗം ബാധിച്ച നായയുമായി ബന്ധപ്പെട്ട വസ്ത്രങ്ങൾ എന്നിവയിലൂടെ ഈ രോഗം അതിവേഗം പടരാം. വിശപ്പില്ലായ്മ, പനി, ഛർദി, കഠിനമായ വയറിളക്കം എന്നിവയാണ് പ്രാരംഭ ലക്ഷണങ്ങൾ. ഉടനടി ചികിത്സിച്ചില്ലെങ്കിൽ നായയ്ക്ക് മരണം സംഭവിക്കാം. വിദഗ്ധരുടെ അഭിപ്രായത്തിൽ, രോഗം ബാധിച്ച നായയെ ക്വാറന്റൈൻ ചെയ്യണം. രോഗം പിടിപെടുന്നതിൽ നിന്ന് ഒരു നായയും മുക്തമല്ല, അതിനാൽ തിരിച്ചറിയപ്പെടുമ്പോൾ കൂടുതൽ അണുബാധകൾ ഒഴിവാക്കാൻ നായയെ ഒറ്റപ്പെടുത്തേണ്ടത് പ്രധാനമാണ്. രോഗബാധയുണ്ടായി 48-72 മണിക്കൂറിനുള്ളിൽ മരണം സംഭവിക്കാൻ സാധ്യത ഉള്ളതിനാൽ ചികിത്സ ഉടനടി തുടങ്ങണം.

പാർവോവൈറസ് (Parvovirus) ലക്ഷണങ്ങൾ

പാർവോവൈറസ് പരിസ്ഥിതിയിൽ വളരെ സ്ഥിരതയുള്ളതാണ്, അതിനാൽ ഒരേ സ്ഥലത്ത് മാസങ്ങളോളം സജീവമായി തുടരാം. ‘വയറിളക്കം, ഛർദി, വിശപ്പില്ലായ്മ എന്നിവയാണ് ഇതിന്റെ ലക്ഷണങ്ങൾ. പാർവോവെെറസ് കുടലിന് കേടുപാടുകൾ വരുത്തുന്നു. വെെറസ് ഉണ്ടോയെന്ന് അറിയാൻ നായയുടെ മലം പരിശോധനയ്ക്കായി എടുക്കും. വൈറസ് പിടിപ്പെട്ട ധാരാളം നായ്ക്കുട്ടികളെ കണ്ടെത്തിയിട്ടുണ്ട്. ഈ വൈറസ് നായയുടെ പ്രതിരോധ സംവിധാനത്തെ ദുർബലപ്പെടുത്തും.

പാർവോവൈറസിനുള്ള ചികിത്സ

ഈ വൈറസിനെതിരെ മരുന്നില്ലെന്നതാണ് പ്രധാന കാര്യം. അതിനാൽ, വൈറസിൽ നിന്ന് ഉണ്ടാകുന്ന പ്രശ്നങ്ങൾ കുറയ്ക്കുന്നതിനാണ് ചികിത്സ ലക്ഷ്യമിടുന്നത്. വീണ്ടെടുക്കൽ പ്രധാനമായും നായയുടെ ശക്തിയെ ആശ്രയിച്ചിരിക്കുന്നു. ഒരു ഡ്രിപിലൂടെ ദ്രാവകത്തിന്റെ സഹായത്തോടെയും ഓക്കാനം, വയറിളക്കം എന്നിവയുടെ ലക്ഷണങ്ങളെ നിയന്ത്രിക്കുകയും ചെയ്യുന്നു. നായകൾക്ക് സുഖം പ്രാപിക്കാൻ സമയമെടുക്കും. ചില നായകളെ ആശുപത്രിയിൽ പ്രവേശിപ്പിക്കേണ്ടി വരും.

നിങ്ങളുടെ വീട്ടിൽ വാക്സിനേഷൻ എടുക്കാത്ത നായ ഉണ്ടെങ്കിൽ എത്രയും വേഗം വാക്സിനേഷൻ നൽകുക. നായയ്ക്ക് എത്ര നേരത്തെ ചികിത്സ ലഭിക്കുന്നുവോ അത്രയും കൂടുതൽ അവർ ശരിയായ അവസ്ഥയിലേക്ക് തിരിച്ചെത്തും, അതിനാൽ ശരിയായ സമയത്ത് മൃഗഡോക്ടറുടെ ഉപദേശം തേടുന്നത് പ്രധാനമാണ്

Back to top button
error: