ന്യൂഡല്‍ഹി: ദീപാവലി ആഘോഷത്തിനിടയില്‍ നടന്ന വെടിവെപ്പില്‍ നാല് പേര്‍ക്ക് പരിക്ക്. ഡല്‍ഹിയിലെ കേശവപുരയില്‍ തിങ്കളാഴ്ച അര്‍ദ്ധരാത്രിയാണ് ആക്രമണമുണ്ടായത്.
ദീപാവലി ആഘോഷത്തിനടയില്‍ പടക്കം പൊട്ടിക്കുന്നതുമായി ബന്ധപ്പെട്ട് ഉടലെടുത്ത തര്‍ക്കമാണ് വെടിവെപ്പിന് കാരണമായത്. തര്‍ക്കത്തിനിടയില്‍ വെടിയുതിര്‍ത്ത അരവിന്ദ് എന്ന പ്രദേശവാസിയെ പൊലീസ് അറസ്റ്റ് ചെയ്തു. ഇയാളില്‍ നിന്നും തോക്കുകള്‍ പിടിച്ചെടുത്തതായി പൊലീസ് അറിയിച്ചു.
ഗുജറാത്തിലും സമാനമായ സംഭവങ്ങള്‍ റിപ്പോര്‍ട്ട് ചെയ്തു. ഗുജറാത്തിലെ വഡോദരയില്‍ പടക്കം പൊട്ടിക്കുന്നതിനെ കുറിച്ചുണ്ടായ തര്‍ക്കം രണ്ട് സമുദായക്കാര്‍ തമ്മിലുള്ള സംഘര്‍ഷത്തില്‍ കലാശിക്കുകയായിരുന്നു.
