കൊച്ചി: ഐ.എസ്.എല്ലില്‍ സീസണിലെ തങ്ങളുടെ രണ്ടാം മത്സരത്തില്‍ കേരള ബ്ലാസ്റ്റേഴ്സ് എ.ടി.കെ മോഹന്‍ ബഗാനെ നേരിടും.
ബ്ലാസ്റ്റേഴ്സിന്റെ ഹോം ഗ്രൗണ്ടായ കലൂര്‍ ജവഹര്‍ലാല്‍ നെഹ്റു സ്റ്റേഡിയത്തില്‍ രാത്രി 7.30 മുതലാണ് മത്സരം. ആദ്യ മത്സരത്തില്‍ ഈസ്റ്റ് ബംഗാളിനെ 3-1ന് തറപറ്റിക്കാനായതിന്റെ ആത്മവിശ്വാസത്തിലാണ് ബ്ലാസ്റ്റേഴ്സ് ഇറങ്ങുന്നത്. മത്സരത്തിനുള്ള മുഴുവന്‍ ടിക്കറ്റുകളും രണ്ടു ദിവസം മുമ്ബ് തന്നെ വിറ്റുപോയിരുന്നു.
കഴിഞ്ഞകളിയില്‍ രണ്ട് ഗോള്‍ നേടിയ ഇവാന്‍ കല്യൂഷ്‌നിയുള്‍പ്പെടെ എല്ലാ വിദേശ താരങ്ങളുടെ പ്രകടനത്തിലും സംതൃപ്തനാണെന്ന് കോച്ച്‌ ഇവാന്‍ വുകോമനോവിച്ച്‌ വാര്‍ത്താ സമ്മേളനത്തില്‍ പറഞ്ഞു.
