ഇടുക്കി: ചെറുതോണി വാത്തിക്കുടി പഞ്ചായത്തിലെ
ബഥേല്‍ മേഖലയില്‍ ഇടിമിന്നലില്‍ വ്യാപക നാശനഷ്‌ടങ്ങൾ.
ബഥേല്‍ സെന്റ്‌ ജേക്കബ്‌സ്‌ യു.പി സ്‌കൂളില്‍ മിന്നലേറ്റ്‌ രണ്ട്‌ വിദ്യാര്‍ഥികള്‍ക്ക്‌ പരുക്കേറ്റു. നിരവധി വീടുകള്‍ക്കും കേടുപാട്‌ സംഭവിച്ചു.
വൈകിട്ട്‌ 3.45 ഓടെയാണ്‌ മേലെചിന്നാര്‍ ബഥേല്‍ പെരിഞ്ചാംകുട്ടി മേഖലകളില്‍ ശക്‌തമായ ഇടിമിന്നലുണ്ടായത്‌. സ്‌കൂള്‍ സമയം കഴിയുന്നതിന്‌ തൊട്ടുമുന്‍പായിരുന്നു ഇത്‌. വലിയ ശബ്‌ദത്തോടുകൂടി തീഗോളം വന്നതായി പ്രദേശവാസികള്‍ പറയുന്നു. സ്‌കൂളിലെ ഇലക്‌ട്രോണിക്‌സ്‌ ഉപകരണങ്ങള്‍ നശിച്ച അവസ്‌ഥയിലാണ്‌. മേഖലയിലെ നിരവധി വീടുകളിലെ ഗ്യഹോപകരണങ്ങളും ഇടിമിന്നലില്‍ നശിച്ചിട്ടുണ്ട്‌.
