കല്‍പറ്റ: വയനാട് തലപ്പുഴയില്‍ കിണറ്റില്‍വീണ പുലിയെ പുറത്തെത്തിച്ചു. തമിഴ്‌നാട്ടിലെ മുതുമലയില്‍നിന്നെത്തിയ സംഘം മയക്കുവെടിവച്ചാണ് പുറത്തെത്തിച്ചത്. പുലിയെ വലയ്ക്കുള്ളിലാക്കിയശേഷം കയറുകെട്ടി പുറത്തെത്തിക്കുകയായിരുന്നു. പുറത്തെത്തിച്ചശേഷം സമീപപ്രദേശത്ത് സജ്ജമാക്കിയിയിരിക്കുന്ന കൂട്ടിലേക്ക് മാറ്റും. തുടര്‍ന്ന് പ്രാഥമിക ചികിത്സ നല്‍കാനായി കൊണ്ടുപോകും.
വ്യാഴാഴ്ച രാത്രിയാണ് പുലി കിണറ്റില്‍ വീണത്. ഇന്നലെ രാവിലെ കിണറ്റിന്‍കരയിലെത്തിയ വീട്ടുടമ പുലി വീണുകിടക്കുന്നത് കണ്ട് വനംവകുപ്പ് ഉദ്യോഗസ്ഥരെ വിവരം അറിച്ചു. വനംവകുപ്പ് ഉദ്യോഗസ്ഥര്‍ കിണറ്റിനുള്ളില്‍ ഏണി വച്ച് പുലിയെ പുറത്തെടുക്കാനുള്ള ശ്രമം നടത്തിയെങ്കിയിലും കഴിഞ്ഞില്ല. തുടര്‍ന്നാണ് തമിഴ്‌നാട് സംഘത്തിന്റെ സഹായം തേടിയത്.
