ശ്രീനഗർ: ജമ്മു കശ്മീരിലെ കുപ്വാരയിൽ രണ്ടു ഭീകരരെ ഇന്ത്യൻ സേനയും ജമ്മു കശ്മീർ പൊലീസും ചേർന്ന് വധിച്ചു. കുപ്വാരയിലെ തെക്രി നറിലെ നിയന്ത്രണരേഖയ്ക്കു സമീപമാണ് സംഭവം. കൊല്ലപ്പെട്ട ഭീകരരെ തിരിച്ചറിഞ്ഞിട്ടില്ല. ഇവരിൽനിന്ന് ആയുധങ്ങളും യുദ്ധസാമഗ്രികളും മറ്റും കണ്ടെത്തിയെന്നും പൊലീസ് അറിയിച്ചു. രണ്ട് എകെ 47 റൈഫിളുകളും രണ്ടു പിസ്റ്റളും നാല് ഗ്രനേഡുകളും ഭീകരരിൽനിന്നു പിടിച്ചെടുത്തു.
