തിരുവനന്തപുരം: ഗവ. മെഡിക്കല്‍ കോളജിലെ നഴ്‌സിങ് ഓഫീസര്‍മാരുടെ ഈ മാസത്തെ ശമ്പളവും അലവന്‍സും ബോണസും ഇതുവരെയും ലഭിച്ചിട്ടില്ലെന്ന് കേരള ഗവ.നഴ്‌സസ് യൂണിയന്‍. മറ്റുള്ള എല്ലാ ജീവനക്കാര്‍ക്കും ശമ്പളം ലഭിച്ചിട്ടും നഴ്‌സിങ് ഓഫീസര്‍മാര്‍ക്കു മാത്രം ശമ്പളം ലഭിച്ചില്ല. മേല്‍ ഉദ്യോഗസ്ഥരുടെ വീഴ്ചമൂലമാണ് നഴ്‌സിങ് ഓഫീസര്‍മാരുടെ ശമ്പളം ലഭിക്കാത്തതെന്നും നഴ്‌സസ് യൂണിയന്‍ കുറ്റപ്പെടുത്തി.
എല്ലാ മാസവും ഇതേ അവസ്ഥയാണെന്നും ഓണം അടുത്തിട്ടും ഒരുവിഭാഗത്തിനു മാത്രം ശമ്പളം ലഭിക്കാത്തതിനെതിരെ ശക്തമായ പ്രതിഷേധം സംഘടിപ്പിക്കുമെന്നും പ്രസ്താവനയില്‍ കെജിഎന്‍യു സംസ്ഥാന ജനറല്‍ സെക്രട്ടറി എസ്.എം.അനസ്, ജില്ലാ പ്രസിഡന്റ് വിനു വിജയന്‍, ജില്ലാ സെക്രട്ടറി കാര്‍ത്തിക് എന്നിവര്‍ അറിയിച്ചു.
