ബിഹാറില്‍ ബിജെപി നേതാവിനെ വെടിവെച്ച്‌ കൊലപ്പെടുത്തി

പാട്‌ന: ബിഹാറില്‍ ബിജെപി നേതാവിനെ വെടിവെച്ച്‌ കൊലപ്പെടുത്തി.

മധേപുര സ്വദേശിയായ ബിപിന്‍ കുമാര്‍ സിംഗ് (59) ആണ് ദാരുണമായി കൊല്ലപ്പെട്ടത്. ഇന്നലെ രാത്രി ഒന്‍പത് മണിയോടെ ഗോല്‍പ്പാറ-ഷഹ്പൂര്‍ റോഡിലാണ് സംഭവം നടന്നത്.

ഷഹപൂരില്‍ നിന്നും കാറില്‍ വീട്ടിലേക്ക് വരികയായിരുന്ന  ബിപിന്‍ കുമാറിനെ ഇരു ചക്രവാഹനത്തില്‍ എത്തിയ സംഘം തടഞ്ഞു നിര്‍ത്തി വെടിയുതിര്‍ക്കുകയായിരുന്നു. ഗുരുതരമായി പരിക്കേറ്റ അദ്ദേഹം തല്‍ക്ഷണം മരണപ്പെട്ടു.സംഭവവുമായി ബന്ധപ്പെട്ട് രണ്ട് പേര്‍ പിടിയിലായിട്ടുണ്ടെന്നാണ് വിവരം.