NEWS

അഗ്നിപഥിനെതിരെ പ്രതിഷേധം ഉയരാൻ കാരണം ഇതാണ്

സായുധ സേനയില്‍ 4 വര്‍ഷത്തെ ഹ്രസ്വനിയമനത്തിനു പ്രഖ്യാപിച്ച അഗ്നിപഥ് പദ്ധതിക്കെതിരെ രാജ്യത്തിന്റെ വിവിധ ഭാഗങ്ങളില്‍ പ്രതിഷേധം തുടരുകയാണ്.അഗ്നിപഥ് പദ്ധതിക്കെതിരെ തെരുവില്‍ പ്രതിഷേധിക്കുന്നവരുടെ  ആശങ്കകൾക്ക് കാരണം പ്രധാനമായും ഇവയാണ്.

 സേവനം നാല് വര്‍ഷത്തേക്ക് മാത്രം; പെന്‍ഷന്‍ എടുത്തു കളഞ്ഞു; കൂടാതെ സൈനികനും അവന്റെ കുടുംബത്തിനും ആജീവനാന്ത ആരോഗ്യ പരിരക്ഷാ ആനുകൂല്യങ്ങളൊന്നുമില്ല.

പ്രായപരിധി നോക്കുമ്ബോള്‍ പലര്‍ക്കും ഇനി യോഗ്യരായിരിക്കില്ല എന്ന ഭയവും ഉണ്ട് – 2020 മുതല്‍ റിക്രൂട്ട്‌മെന്റ് നടന്നിട്ടില്ല, അഗ്നിവീര്‍ ആകാന്‍ 17.5 നും 21 നും ഇടയില്‍ പ്രായമുണ്ടായിരിക്കണം. വ്യാഴാഴ്ച രാത്രി 23 വയസ്സായി ഉയര്‍ത്തിക്കൊണ്ട് ഉയര്‍ന്ന പ്രായപരിധിയില്‍ സര്‍ക്കാര്‍ ഇളവ് പ്രഖ്യാപിച്ചു.

ഇതുവരെ, ഒരു സൈനികന് ഏകദേശം 17 വര്‍ഷത്തേക്ക് ജോലി സുരക്ഷിതത്വമുണ്ടായിരുന്നു, അതിനുശേഷം പെന്‍ഷനും തനിക്കും കുടുംബത്തിനും സബ്‌സിഡിയുള്ള ആരോഗ്യ പരിരക്ഷയും ലഭ്യമായിരുന്നു. ഒരു സൈനികന്‍ യുദ്ധത്തില്‍ മരിച്ചാല്‍, അവന്റെ കുടുംബത്തിന് ആനുകൂല്യങ്ങള്‍ തുടര്‍ന്നിരുന്നു. എന്നാല്‍, പുതിയ അഗ്നിപഥ് പദ്ധതി ഈ ആനുകൂല്യങ്ങള്‍ അവസാനിപ്പിക്കും.

സായുധ സേനയുടെ കുതിച്ചുയരുന്ന ശമ്ബളവും പെന്‍ഷനും വെട്ടിക്കുറയ്ക്കുക എന്നതാണ് പദ്ധതിയുടെ കാതലായ എന്നാല്‍ പറയാത്ത ലക്ഷ്യങ്ങളിലൊന്ന്.അഗ്നിപഥ് സ്കീമിന് കീഴില്‍ നാല് വര്‍ഷത്തെ കാലാവധിയില്‍ സൈനികന് ശമ്ബളം ലഭിക്കും, കൂടാതെ സേവനത്തിന്റെ അവസാനം 11.7 ലക്ഷം രൂപ ലഭിക്കും, അത് നികുതി രഹിതമായിരിക്കും. പെന്‍ഷന്‍ എന്ന ആശയമോ ആജീവനാന്ത ആരോഗ്യ ആനുകൂല്യങ്ങളോ ഇല്ല. സര്‍വീസിലിരിക്കെ സൈനികന്‍ മരിച്ചാല്‍ കുടുംബത്തിന് ഇന്‍ഷുറന്‍സ്, എക്സ്-ഗ്രാഷ്യ, ബാക്കി ശമ്ബളം എന്നിവ ഉള്‍പ്പെടെ ഒരു കോടി രൂപ ലഭിക്കും. എന്നാല്‍ ഇത് ഒറ്റത്തവണ ആയിട്ടായിരിക്കും.

 

 

 

ഈ ആനുകൂല്യങ്ങള്‍ നാല് വര്‍ഷ കാലയളവിന് ശേഷം സായുധ സേനയുടെ ഭാഗമാകുന്നവര്‍ക്ക് തുടരും. എന്നാല്‍ പുതിയ പദ്ധതി പ്രകാരം, എല്ലാ അഗ്നിവീര്‍മാരുടെയും കാലാവധി 4 വര്‍ഷമായിരിക്കും. അതിനുശേഷം മികവു തെളിയിക്കുന്ന 25 ശതമാനം പേര്‍ക്ക് സ്ഥിര നിയമനം നല്‍കുകയും മറ്റുള്ളവരെ ഒഴിവാക്കുകയും ചെയ്യും.തുടര്‍ന്ന് പുതിയ റിക്രൂട്ട്‌മെന്റിലൂടെ നാലു വർഷത്തേക്ക് നിയമനം നടത്തുകയും ചെയ്യും.

Leave a Reply

Your email address will not be published. Required fields are marked *

Back to top button
error: