NEWS

ഐപിഎൽ പ്ലേ ഓഫ് സാധ്യത ഇങ്ങനെ

പൂനെ: ഐപിഎല്‍ 15-ാം സീസണ്‍ അതിന്റെ കൊട്ടിക്കലാശത്തിലേക്ക് നീങ്ങുമ്പോൾ പ്ലേ ഓഫിലേക്ക് എത്താന്‍ ഓരോ ടീമുകളും അക്ഷീണ പ്രയത്‌നത്തിലാണ്.ശേഷിക്കുന്ന മത്സരങ്ങളെല്ലാം എല്ലാ ടീമുകള്‍ക്കും നിര്‍ണായകം.നിലവില്‍ പ്ലേ ഓഫ് ഉറപ്പിച്ച ടീം ഗുജറാത്ത് ടൈറ്റന്‍സ് ആണ്.എട്ട് ജയവുമായി 16 പോയിന്റോടെ പ്ലേ ഓഫ് ഉറപ്പിച്ചിരിക്കുകയാണ് ഹാര്‍ദിക്ക് പാണ്ഡ്യ നയിക്കുന്ന ഗുജറാത്ത്.ഇനിയും നാല് കളികള്‍ കൂടി ഗുജറാത്തിന് ശേഷിക്കുന്നുമുണ്ട്.

ലഖ്‌നൗ സൂപ്പര്‍ ജയന്റ്‌സ് ആണ് തൊട്ടുപിന്നില്‍.നിലവില്‍ അവർക്ക് 14 പോയിന്റുണ്ട്.ശേഷിക്കുന്ന നാല് കളികളില്‍ ഒരു ജയം മതി ലഖ്‌നൗവിന് പ്ലേ ഓഫില്‍ കയറാന്‍.സഞ്ജു സാംസണ്‍ നയിക്കുന്ന രാജസ്ഥാന്  ശേഷിക്കുന്ന നാല് കളികളില്‍ നിന്ന് രണ്ട് ജയം വേണം പ്ലേ ഓഫിൽ കയറാൻ.

 

 

റോയല്‍ ചലഞ്ചേഴ്‌സ് ബംഗളൂരിന് 12 പോയിന്റുണ്ട്.മൂന്ന് കളികള്‍ ശേഷിക്കുന്നു. ഇതില്‍ രണ്ട് ജയം ഉണ്ടെങ്കില്‍ ബംഗളൂരിന് പ്ലേ ഓഫില്‍ കയറാം.അതേസമയം ബംഗളൂരിനേക്കാൾ പ്ലേ ഓഫ് സാധ്യത കൂടുതൽ സണ്‍റൈസേഴ്‌സ് ഹൈദരബാദിനാണ്.അഞ്ച് കളികള്‍ കൂടിയുണ്ട് ഹൈദരബാദിന്.നിലവില്‍ പത്ത് പോയിന്റാണ് അവർക്കുള്ളത്.ശേഷിക്കുന്ന അഞ്ച് കളികളില്‍ മൂന്ന് ജയം മതി ഹൈദരബാദിന് പ്ലേ ഓഫില്‍ കയറാന്‍. ആറാം സ്ഥാനത്തുള്ള പഞ്ചാബ് കിങ്‌സിന് ശേഷിക്കുന്ന നാല് കളികളില്‍ നിന്ന് മൂന്ന് ജയം വേണം പ്ലേ ഓഫ് ഉറപ്പിക്കാന്‍.

Leave a Reply

Your email address will not be published. Required fields are marked *

Back to top button
error: