കാസര്‍ഗോഡ്: കുണ്ടംകുഴിയിലെ തോണിക്കടവ് പുഴയില്‍ കുളിക്കാനിറങ്ങിയ മൂന്നുപേര്‍ മുങ്ങി മരിച്ചു. കുണ്ടംകുഴി സ്വദേശികളായ നിതിന്‍(38), ഭാര്യ ദീക്ഷ(35), ബന്ധു മനീഷ്(15) എന്നിവരാണ് മരിച്ചത്.
നിതിനും ബന്ധുക്കളായ പത്ത് പേരടങ്ങുന്ന സംഘമാണ് ഇന്ന് വൈകുന്നേരത്തോടെ പുഴയില്‍ കുളിക്കാനിറങ്ങിത്.മനീഷ് അപകടത്തില്‍പ്പെട്ടതോടെ നിതിനും ദീക്ഷയും രക്ഷിക്കാന്‍ ശ്രമിക്കുകയായിരുന്നു.ഇതോടെയാണ് മൂന്നുപേരും അപകടത്തില്‍പ്പെട്ടത്.പുഴയിൽ അടിയൊഴുക്ക് ഉണ്ടായിരുന്നതാണ് അപകടകാരണം.മൃതദേഹങ്ങൾ പോസ്റ്റുമോർട്ടത്തിനായി ആശുപത്രിയിലേക്ക് മാറ്റിയിട്ടുണ്ട്.
