എന്തിനാണ് സില്‍വര്‍ ലൈനിനെ മന്ത്രി എതിര്‍ക്കുന്നത്? മെട്രോമാന്‍ ഇ ശ്രീധരന്‍ മന്ത്രിയെ വന്നു കണ്ടു സില്‍വര്‍ ലൈനെ കുറിച്ച്‌ പറഞ്ഞതോടെയാണ് കാര്യങ്ങള്‍ കീഴ്‌മേല്‍മറിഞ്ഞതെന്നും അദ്ദേഹം കുറ്റപ്പെടുത്തി.ഇ ശ്രീധരന്‍ ബിജെപി മുഖ്യമന്ത്രി സ്ഥാനാര്‍ത്ഥിയായിരുന്നു. പാലക്കാട് ഓഫീസ് തുറക്കുകയും ചെയ്തു. നിതിന്‍ ഗദ്കരിയേയും ഈ സംഘം സന്ദര്‍ശിച്ചു. എന്നാല്‍ വടപാവ് നല്‍കി മടക്കി അയക്കുകയായിരുന്നു. മലകള്‍ തുരന്നും തണ്ണീര്‍ തടങ്ങള്‍ നികത്തിയും കൊങ്കന്‍ പാതയൊരുക്കിയ ഈ ശ്രീധരനാണ് കെ റെയിലില്‍ പരിസ്ഥിതി വാദം ഉയര്‍ത്തുന്നത്. ഇത്തരത്തിലുള്ള കക്ഷി രാഷ്ട്രീയ സമ്മര്‍ദ്ദത്തിന് റെയില്‍ മന്ത്രി വഴങ്ങരുതെന്നും ജോണ്‍ ബ്രിട്ടാസ് എംപി ആവശ്യപ്പെട്ടു.
