പാലക്കാട്: വാളയാറില്‍ എക്സൈസ് നടത്തിയ വാഹന പരിശോധനയില്‍ ലോറിയില്‍ ഒളിപ്പിച്ച്‌ കടത്തിയ 170 കിലോ കഞ്ചാവ് പിടികൂടി.കേസില്‍ കോട്ടയ്ക്കല്‍ സ്വദേശികളായ നൗഫല്‍, ഫാസില്‍ ഫിറോസ്, ഷാഹിദ് എന്നിവരെ എക്സൈസ് അറസ്റ്റു ചെയ്തു.
ആന്ധ്രയില്‍ നിന്നും കോട്ടയ്ക്കലിലേക്ക് കടത്താന്‍ ശ്രമിച്ച കഞ്ചാവാണ് പിടികൂടിയത്.ലോറിയുടെ റൂഫ് ടോപ്പില്‍ ടാര്‍പ്പായ ഉപയോഗിച്ച്‌ മൂടിയ നിലയിലായിരുന്നു കഞ്ചാവ്.തൃശൂര്‍ എക്സൈസ് ഇന്റലിജന്‍സ് വിഭാഗവും, ഉത്തര മേഖല എക്സൈസ് കമ്മീഷണര്‍ സ്ക്വാഡും, വാളയാര്‍ എക്സൈസ് ചെക്ക് പോസ്റ്റ് പാര്‍ട്ടിയും സംയുക്തമായി നടത്തിയ പരിശോധനയിലാണ് കഞ്ചാവ് പിടികൂടിയത്.
