ബസ് ചാര്ജ് വര്ധിപ്പിക്കും കണ്സഷനും: മന്ത്രി ആന്റണി രാജു
വാര്ത്തകളറിയാന് ന്യൂസ്ദെന് വാട്സ്ആപ്പ് ഗ്രൂപ്പില് അംഗമാകൂ Join Whatsapp Group
തിരുവനന്തപുരം: സംസ്ഥാനത്തെ വിദ്യാര്ത്ഥികളുടെ ബസ് കണ്സഷന് തുക വര്ധിപ്പിക്കേണ്ടി വരുമെന്ന് ഗതാഗത വകുപ്പ് മന്ത്രി ആന്റണി രാജു. കണ്സഷന് തുക വിദ്യാര്ത്ഥികള് നാണക്കേടായി കാണുന്നുവെന്ന് പറഞ്ഞ മന്ത്രി പലരും 5 രൂപ കൊടുത്താന് ബാക്കി വാങ്ങാറില്ലെന്നും വിശദീകരിക്കുന്നു. ’10 വര്ഷം മുന്പാണ് വിദ്യാര്ത്ഥികളുടെ കണ്സഷന് തുക 2 രൂപയായി നിശ്ചയിച്ചത്. 2 രൂപ ഇന്ന് വിദ്യാര്ത്ഥികള്ക്ക് തന്നെ മനപ്രയാസം ഉണ്ടാക്കുന്നു. കണ്സഷന് തുക വര്ധിപ്പിക്കേണ്ടി വരും. മന്ത്രി വിശദീകരിക്കുന്നു. വിദ്യാര്ത്ഥികളെ കയറ്റാത്ത ബസുടമകള്ക്കെതിരേ കര്ശനമായ നടപടി ഉണ്ടാകുമെന്നും മന്ത്രി വ്യക്തമാക്കി. കണ്സഷന് ചാര്ജ് വര്ധനക്കെതിരെ പല വിദ്യാര്ത്ഥി സംഘടനകളുടേയും ഭാഗത്ത് നിന്നും വിമര്ശനമുയരുന്നതിനിടെയാണ് മന്ത്രിയുടെ പ്രതികരണം.
ബസ് ചാര്ജ്ജ് കൂട്ടേണ്ടിവരുമെന്ന് ആവര്ത്തിച്ച് വ്യക്തമാക്കിയ ഗതാഗത മന്ത്രി, ബസുടമകളുടെ ആവശ്യം ന്യായമാണെന്നും പ്രതികരിച്ചു. ചാര്ജ് വര്ധനയുണ്ടാകും. പക്ഷേ അത് പൊതുജനാഭിപ്രായം കൂടി തേടിയ ശേഷമായിരിക്കും. ഇന്ധനവില ഉടന് കൂടുമെന്ന വാര്ത്തകളും വരുന്നുണ്ട്. ബള്ക്ക് പര്ച്ചേഴ്സ് ചെയ്തവര്ക്ക് വില കൂട്ടിയതിനെതിരെ സുപ്രീം കോടതിയെ സമീപിച്ചതായും മന്ത്രി അറിയിച്ചു.
ബജറ്റിലെ അവഗണനയിലും നിരക്ക് വര്ധന നടപ്പാക്കാത്തതിലും പ്രതിഷേധിച്ച് സംസ്ഥാനത്തെ സ്വകാര്യ ബസ്സുടമകള് അനിശ്ചിതകാല സമരത്തിലേക്ക് നീങ്ങുമെന്ന് കഴിഞ്ഞ ദിവസം പ്രഖ്യാപിച്ചിരുന്നു. ബസ് ചാര്ജ് മിനിമം ഇനി പത്ത് രൂപ പോരെന്നാണ് ഫെഡറേഷന് പറയുന്നത്. മിനിമം ചാര്ജ് പന്ത്രണ്ട് രൂപയായി ഉടന് പ്രഖ്യാപിക്കണമെന്നും വിദ്യാര്ത്ഥികളുടെ ബസ് യാത്രാനിരക്ക് കൂട്ടണമെന്നും സ്വകാര്യ ബസ്സുടമകളുടെ സംഘനയായ ബസ് ഓപ്പറേറ്റേഴ്സ് ഫെഡറേഷന് ആവശ്യപ്പെടുന്നു. വിദ്യാര്ത്ഥികളുടെ യാത്രാനിരക്ക് മിനിമം ആറ് രൂപയാക്കണമെന്നാണ് ആവശ്യം.
നിരക്ക് കൂട്ടാമെന്നേറ്റ സര്ക്കാര് നാല് മാസമായിട്ടും വാക്ക് പാലിച്ചില്ല. രാമചന്ദ്രന് കമ്മിറ്റി റിപ്പോര്ട്ട് നടപ്പാക്കിയില്ല. ബജറ്റിലും ഒരു പരിഗണനയുമില്ലെന്നും അവര് ആരോപിക്കുന്നു. രണ്ടോ മൂന്നോ ദിവസത്തിനകം മറ്റ് സംഘടനകളുമായി ആലോചിച്ച് സമരം തുടങ്ങാനുള്ള തീയതി പ്രഖ്യാപിക്കുമെന്നാണ് ബസ് ഓപ്പറേറ്റേഴ്സ് ഫെഡറേഷന് വ്യക്തമാക്കുന്നത്. ഈ മാസം മുപ്പത്തിയൊന്നിനകം തീയതി പ്രഖ്യാപിക്കും. മൂന്ന് ദിവസത്തിനുള്ളില് സമരപ്രഖ്യാപനമുണ്ടാകും – ഫെഡറേഷന് വ്യക്തമാക്കി.
ന്യൂസ്ദെന് വാട്സ്ആപ്പ് ഗ്രൂപ്പില് അംഗമാകാന് ഇവിടെ ക്ലിക്ക് ചെയ്യു
JOIN WHATSAPP GROUP
