കോട്ടയം: ഏറ്റുമാനൂര്‍ – കോട്ടയം – ചിങ്ങവനം സെക്‌ഷനിലെ ട്രാക്ക് ഇരട്ടിപ്പിക്കലിനുള്ള പ്രാഥമിക പ്രവര്‍ത്തനങ്ങള്‍ ഇന്നു മുതല്‍ മാര്‍ച്ച്‌ അഞ്ച്‌വരെ മൂന്ന് ഘട്ടങ്ങളിലായി നടത്തും.ഇതിന്‍റെ ഭാഗമായി ഏതാനും ട്രെയിനുകള്‍ ആലപ്പുഴ വഴി തിരിച്ചുവിടും.ട്രെയിന്‍ നമ്ബര്‍ 22647 കോബ്ര- കൊച്ചുവേളി ദ്വൈവാര സൂപ്പര്‍ ഫാസ്റ്റ് (ഈമാസം അഞ്ച്, ഒമ്ബത്, 12, 16, 19, 23, 26, മാര്‍ച്ച്‌ രണ്ട് തീയതികളില്‍ പുറപ്പെടുന്നവ) ഈമാസം ഏഴ്, 11,14,18,21, 25, 28 മാര്‍ച്ച്‌ നാല് തീയതികളില്‍ ആലപ്പുഴവഴി തിരിച്ചുവിടും.
ട്രെയിന്‍ നമ്ബര്‍ 17230 സെക്കന്ദരാബാദ്- തിരുവനന്തപുരം സെന്‍ട്രല്‍ ഡെയിലി ശബരി എക്സ്പ്രസ് ഈമാസം 13 മുതല്‍ മാര്‍ച്ച്‌ നാലുവരെയും ട്രെയിന്‍ നന്പര്‍ 16649 മാംഗളൂര്‍ സെന്‍ട്രല്‍- നാഗര്‍കോവില്‍ പ്രതിദിന പരശുറാം എക്സ്പ്രസ് ഈമാസം 14 മുതല്‍ 23 വരെയും ആലപ്പുഴ തിരിച്ചുവിടും. മൂന്നു ട്രെയിനുകള്‍ക്കും എറണാകുളം സൗത്ത്, ചേര്‍ത്തല, ആലപ്പുഴ, അമ്ബലപ്പുഴ, ഹരിപ്പാട് സ്റ്റോപ്പുണ്ടാകും.
തിരുവനന്തപുരം സെന്‍ട്രല്‍- ന്യൂഡല്‍ഹി കേരള എക്സ്പ്രസ് (ട്രെയിന്‍ നന്പര്‍ 12625 ) ഈമാസം 14 മുതല്‍ 23 വരെയും കൊച്ചുവേളി- ലോക്മാന്യ തിലക് ഗരീബ് രഥ് എക്സ്പ്രസ് (ട്രെയിന്‍ നന്പര്‍ 12202 ) 17,20 തീയതികളിലും ആലപ്പുഴ സര്‍വീസ് നടത്തും. ഹരിപ്പാട്, അമ്ബലപ്പുഴ, ആലപ്പുഴ, ചേര്‍ത്തല, എറണാകുളം ജംഗ്ഷന്‍ എന്നിവിടങ്ങളില്‍ സ്റ്റോപ്പുണ്ടാകും.
വിശാഖപട്ടണം- കൊല്ലം ദ്വൈവാര എക്സ്പ്രസ് (ട്രെയിന്‍ നന്പര്‍ 18567 ) ഈമാസം 17, 18 സര്‍വീസ് തിരിച്ചുവിടും. എറണാകുളം ജംഗ്ഷന്‍, ചേര്‍ത്തല, ആലപ്പുഴ, അമ്ബലപ്പുഴ, ഹരിപ്പാട് സ്റ്റോപ്പുണ്ടാകും.
ക്രമീകരണം ഏര്‍പ്പെടുത്തുന്ന ട്രെയിനുകള്‍:
- ട്രെയിന്‍ നമ്ബര്‍ 15906 ദിബ്രുഗഡ്- കന്യാകുമാരി പ്രതിവാര വിവേക് എക്സ്പ്രസ് 15, 22, മാര്‍ച്ച്‌ ഒന്ന് തീയതികളില്‍ 45 മിനിട്ട് എറണാകുളം ടൗണിനും കോട്ടയത്തിനും ഇടയില്‍ പിടിച്ചിടും.
- ട്രെയിന്‍ നമ്ബര്‍ 12778 കൊച്ചുവേളി- എസ്‌എസ്‌എസ് ഹൂബ്ലി പ്രതിവാര സൂപ്പര്‍ഫാസ്റ്റ് എക്സ്പ്രസ് 17ന് 30 മിനിട്ട് കായംകുളത്തിനും കോട്ടയത്തിനും ഇടയില്‍ ക്രമീകരിക്കും.
- ട്രെയിന്‍ നമ്ബര്‍ 22678 കൊച്ചുവേളി- യശ്വന്ത്പുര്‍ പ്രതിവാര സൂപ്പര്‍ ട്രെയിന്‍ 18ന് 30 മിനിട്ട് കായംകുളത്തിനും കോട്ടയത്തിനും ഇടയില്‍ ക്രമീകരിക്കും.
- ട്രെയിന്‍ നമ്ബര്‍ 12625 തിരുവനന്തപുരം സെന്‍ട്രല്‍- ന്യൂഡല്‍ഹി കേരള എക്സ്പ്രസ് ഈമാസം 24,25, 27, മാര്‍ച്ച്‌ മൂന്ന് ,നാല് തീയതികളില്‍ 35 മിനിട്ട് കായംകുളത്തിനും കോട്ടയത്തിനും ഇടയില്‍ ക്രമീകരിക്കും.
