ലൈഫ്മിഷന്റെ ഭാഗമായി ഭൂ-ഭവന രഹിതര്ക്ക് ഭൂമി ലഭ്യമാക്കാന് ആരംഭിച്ച “മനസ്സോടിത്തിരി മണ്ണ്” ക്യാമ്പയിനില് പങ്കാളിയായി വിഖ്യാത ചലചിത്രകാരൻ അടൂർ ഗോപാലകൃഷ്ണൻ.
മനസ്സോടിത്തിരി മണ്ണ് ക്യാമ്പയിന്റെ ഉദ്ഘാടന വേളയിലും തുടര്ന്നും ഭൂ-ഭവന രഹിതരായ പാവങ്ങള്ക്ക് ഭൂമി സംഭാവന ചെയ്യാന് തയ്യാറാവണമെന്നഭ്യര്ത്ഥിച്ചുകൊണ്ടുള്ള മന്ത്രി എം വി ഗോവിന്ദന്റെ പ്രസ്താവന ശ്രദ്ധയില്പ്പെട്ടപ്പോഴാണ് അടൂര് നിറഞ്ഞ മനസ്സോടെ തന്റെ ഭൂമി പങ്കുവെക്കാന് തീരുമാനിച്ചത്.
ഐപിഎസ് ഉദ്യോഗസ്ഥയായി നാഗ്പൂരില് ജോലി ചെയ്യുന്ന മകള് അശ്വതിയോട് അടൂര് ഈ കാര്യം പങ്കുവെച്ചപ്പോള് മകളും അച്ഛനോടൊപ്പം ചേര്ന്നു. എത്രയും പെട്ടെന്ന് ഭൂമി നല്കാനുള്ള നടപടികള് കൈക്കൊള്ളാന് ആശ്വതിയും പറഞ്ഞു. നിറഞ്ഞ മനസ്സോടെ തന്റെ മണ്ണ് പങ്കുവെക്കുന്നുവെന്ന് അറിയിച്ചുള്ള അടൂരിന്റെ ഫോണ് വന്നയുടന് തന്നെ അദ്ദേഹത്തിന്റെ ആക്കുളത്തെ വീട്ടിലെത്തിയ മന്ത്രി സംസ്ഥാന സര്ക്കാരിന് വേണ്ടി നന്ദി അറിയിച്ചു
