സീതത്തോട്ടിൽ ബസിനു മുന്നിൽ പുലി

ഇന്നു പുലർച്ചെ 5.15ന് പുലി കുറുകെ ചാടിയതായി കെഎസ്ആർടിസി ബസ് ഡ്രൈവറാണ് അറിയിച്ചത്.

പടയണിപ്പാറ തേക്ക് പ്ലാന്റേഷനിലൂടെ പുലി ഓടി മറയുന്നതു കണ്ടതായി ഡ്രൈവർ ഷാജഹാൻ പറഞ്ഞു. ജീവനക്കാർ അടക്കം 4 പേരാണ് ബസിൽ ഉണ്ടായിരുന്നത്. പ്ലാന്റേഷനു സമീപം ജനവാസ മേഖലയിലാണ് പുലിയെ കണ്ടത്. കഴിഞ്ഞ ആഴ്ച കുമളി ഡിപ്പോയിൽ നിന്നുള്ള ഗവി ബസിനു മുന്നിൽ പച്ചക്കാനത്തിനു സമീപം കടുവ കുറുക്ക് ചാടിയിരുന്നു.