ആഹാരം പാകം ചെയ്യുന്നതിനായി ദിവസേന അടുക്കളയിൽ ഉപയോഗിക്കുന്ന പല ചേരുവകളും ആരോഗ്യപരമായി ധാരാളം ഗുണങ്ങൾ പ്രദാനം ചെയ്യുന്നവയാണ്. അത്തരത്തിൽ ഒന്നാണ് പെരുംജീരകം. ഭക്ഷണത്തിന് രുചിയും മണവും നൽകുന്നത് കൂടാതെ ധാരാളം ആരോഗ്യ ഗുണങ്ങളും പെരുംജീരകത്തിൽ അടങ്ങിയിട്ടുണ്ട്.വിറ്റാമിൻ സി, വിറ്റാമിൻ എ, ഫൈബർ, പൊട്ടാസ്യം, മാംഗനീസ്, സിങ്ക്, ഇരുമ്പ്, കാൽസ്യം തുടങ്ങിയ അവശ്യ വിറ്റാമിനുകൾ, പോഷകങ്ങൾ, ധാതുക്കൾ എന്നിവയുടെ ഒരു കലവറ തന്നെയാണ് പെരുംജീരകം. റോസ്മാരിനിക് ആസിഡ്, ക്ലോറോജെനിക് ആസിഡ്, ക്വെർസെറ്റിൻ, എപിജെനിൻ തുടങ്ങിയ പോളിഫെനോളുകളും ഇവയിൽ അടങ്ങിയിട്ടുണ്ട്. കൂടാതെ, പെരുംജീരക വിത്ത് ശക്തമായ ആന്റിഓക്‌സിഡന്റും, വീക്കം തടയുന്ന ആൻറി ഇൻഫ്ലമേറ്ററി ഗുണങ്ങളും ആൻറി ബാക്ടീരിയൽ സവിശേഷതയും അടങ്ങിയിട്ടുള്ളവയാണ്.
ആർത്തവ വേദന
ആർത്തവ വേദന കുറയ്ക്കാൻ സഹായിക്കുന്നു: സ്ത്രീകളിലെ ആർത്തവ വേദനയും വയറുവേദനയും കുറയ്ക്കാൻ ഇവ സഹായിക്കുന്നു. എല്ലാ മാസവും ഉണ്ടാകുന്ന ഈ പ്രത്യേക സമയത്ത് സ്ത്രീകളിൽ ഉണ്ടാകുന്ന ഓക്കാനം, തലകറക്കം തുടങ്ങിയ ലക്ഷണങ്ങളും ഇത് കുറയ്ക്കുന്നു. ആർത്തവചക്രത്തിന് മുമ്പ് സംഭവിക്കുന്ന പി‌എം‌എസിനെ ചികിത്സിക്കുന്നതിലും ഇത് ഫലപ്രദമാണ്.പെരുഞ്ചീരകത്തിലെ ഫ്‌ളേവനോയ്ഡുകള്‍ ഈസ്ട്രജന്‍ ഹോര്‍മോണ്‍ ഉല്‍പാദനത്തിന് സഹായിക്കുന്നവയാണ്. ഫ്‌ളേവനോയ്ഡുകള്‍ ഈസ്ട്രജന്‍ ഹോര്‍മോണുകളാണ് സ്തനവളര്‍ച്ചയ്ക്കു കാരണമാകുന്നത്. ധാരാളം ഫൈറ്റോ ഈസ്ട്രജനുകള്‍ അടങ്ങിയിരിയ്ക്കുന്ന പെരുഞ്ചീരകം മാസമുറ പ്രശ്‌നങ്ങള്‍ അകറ്റുന്നതിനും ഏറെ നല്ലതാണ്. പെരുഞ്ചീരകത്തില്‍ ധാരാളം ഹോര്‍മോണുകള്‍ അടങ്ങിയിട്ടുണ്ട്. അത് മാറിട കോശങ്ങളുടെ വളര്‍ച്ചയ്ക്കു സഹായിക്കും. പെരുഞ്ചീരകത്തിലെ ഫൈറ്റോഈസ്ട്രജനുകള്‍ കോശങ്ങളുടെ അസാധാരണമായ മാറ്റങ്ങള്‍ തടഞ്ഞ് ബ്രെസ്റ്റ് ക്യാന്‍സര്‍ തടയാനും ഏറെ നല്ലതാണ്. മുലപ്പാല്‍ ഉല്‍പാദനം വര്‍ദ്ധിപ്പിയ്ക്കാനും പെരുഞ്ചീരകം ഏറെ നല്ലതാണ്. ഈസ്ട്രജന്‍, പ്രൊജസ്‌ട്രോണ്‍ ഹോര്‍മോണുകളാണ് ഇതിനും സഹായിക്കുന്നത്.സ്ത്രീകളിലെ ആർത്തവ വേദനയും വയറുവേദനയും കുറയ്ക്കാൻ ഇവ സഹായിക്കുന്നു.
ദഹന പ്രക്രിയ
മലബന്ധം, വായുകോപം എന്നിവ നിയന്ത്രിക്കുവാൻ സഹായിക്കുന്നു: നിങ്ങൾക്ക് ദഹനക്കേട്, വായുകോപം, മലബന്ധം എന്നിവ ഉണ്ടെങ്കിൽ പെരുംജീരകം ചവച്ചരച്ച് കഴിക്കുക. ഇത് വയറിലെ വേദന ശമിപ്പിക്കും. പെരുംജീരക വിത്തിൽ എസ്ട്രാഗോൾ, ഫെൻ‌ചോൺ, അനെതോൾ എന്നിവ അടങ്ങിയിട്ടുണ്ട്. ഇത് വയർ വീർക്കുന്നത് കുറയ്ക്കാനും സഹായിക്കുന്നു.ദഹന പ്രക്രിയ സുഗമമാക്കുന്നതിലൂടെ, പെരുംജീരകം ശരീരത്തിലെ മെറ്റബോളിസത്തെ വർദ്ധിപ്പിക്കും.
ആസ്ത്മ
ആസ്ത്മ, കഫക്കെട്ട് മൂലമുള്ള ചുമ എന്നിവയാൽ ബുദ്ധിമുട്ടുന്ന ആളുകൾക്ക് പെരുംജീരകം കഴിച്ച് ആസ്ത്മ, സൈനസ്, കഫക്കെട്ട് എന്നിവ നിയന്തിരിക്കുവാൻ സാധിക്കും. നിങ്ങൾ ബ്രോങ്കൈറ്റിസ് അല്ലെങ്കിൽ സൈനസ് ബാധിതനാണെങ്കിൽ, നിങ്ങളുടെ ഭക്ഷണത്തിൽ പെരുംജീരകം ചേർക്കുന്നത് പരിഗണിക്കുക.
ശരീരത്തെ തണുപ്പിക്കാൻ
ശരീരം അമിതമായി ചൂടാകുന്നത് മൂലം മുഖക്കുരു ഉണ്ടാകുന്ന പ്രശ്നമുള്ളവർക്ക് പെരുംജീരകം കഴിക്കാം. ഇവ ശരീരത്തെ തണുപ്പിക്കാനും ശരീരത്തിന് സിങ്ക്, കാൽസ്യം, സെലിനിയം തുടങ്ങിയ ധാതുക്കൾ നൽകാനും സഹായിക്കുന്നു. ഇത് ചർമ്മത്തിന് ആരോഗ്യകരമായ തിളക്കം നൽകും.
രക്തസമ്മർദ്ദം
രക്തസമ്മർദ്ദം ആരോഗ്യകരമായി നിലനിർത്താൻ നിങ്ങൾ ആഗ്രഹിക്കുന്നുവെങ്കിൽ പെരുംജീരക ചവച്ചരച്ച് കഴിക്കുക. നിങ്ങളുടെ രക്തസമ്മർദ്ദ നില സാധാരണ നിലയിലേക്കു കൊണ്ടുവരുന്നതിനുള്ള ഒരു സ്വാഭാവിക വീട്ടുവൈദ്യമാണ് അവ. പെരുംജീരകത്തിൽ പൊട്ടാസ്യം കൂടുതലായതിനാൽ ഇത് നിങ്ങളുടെ ഹൃദയമിടിപ്പിനെയും രക്തസമ്മർദ്ദത്തെയും നിയന്ത്രിക്കുന്നു.പെരുംജീരകം ചവയ്ക്കുന്നത് നൈട്രൈറ്റിന്റെ പ്രകാശനത്തെ ഉത്തേജിപ്പിക്കുന്നു, ഇത് രക്തസമ്മർദ്ദം ആരോഗ്യകരമായ നിലയിൽ നിലനിർത്തുന്നതിനുള്ള പ്രകൃതിദത്ത പരിഹാരമായി പ്രവർത്തിക്കുന്നു.
