ആലപ്പുഴയില്‍ വീണ്ടും ആക്രമണം; ഗുണ്ടനേതാവിന് വെട്ടേറ്റു

Web DeskJanuary 8, 2022

ആലപ്പുഴ: ഇരട്ടകൊലപാതകത്തിന്റെ ആഘാതം വിട്ടൊഴിയും മുൻപെ ആലപ്പുഴയിൽ വീണ്ടും ആക്രമണം. ഗുണ്ടനേതാവിനെ വെട്ടി കൊലപ്പെടുത്താനായിരുന്നു ശ്രമം.നിരവധി ക്രിമിനല്‍ കേസുകളില്‍ പ്രതിയായ ഗുണ്ടാനേതാവ് സാബിറിനാണ് വെട്ടേറ്റത്.ഗുരുതര പരിക്കേറ്റ ഇയാളെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു.

ശനിയാഴ്ച ഉച്ചയ്ക്ക് 1.30നായിരുന്നു സംഭവം.തലയ്ക്കും കാലിനും ഗുരുതരമായ വെട്ടേറ്റ ഇയാളെ ആദ്യം ആലപ്പുഴ ജനറല്‍ ആശുപത്രിയിലാണ് പ്രവേശിപ്പിച്ചത്.പിന്നീട് വണ്ടാനം മെഡിക്കല്‍ കോളജിലേക്ക് മാറ്റി. തുടർന്ന് വിദഗ്ധ ചികിത്സക്കായി എറണാകുളത്തേക്ക് മാറ്റുകയിരുന്നു.