റിയാദ്:ഈ മാസം എട്ടാം തീയതി (ശനിയാഴ്ച) മുതൽ ഇന്ത്യയിലേക്ക് സൗദി എയർലൈൻസ് വിമാനസർവീസ് ആരംഭിക്കും എയർ ബബിൾ കരാർ പ്രകാരമുള്ള സൗദി എയർലൈൻസിന്റെ ഷെഡ്യൂൾ ഇന്നലെ പുറത്തിറങ്ങി.
കേരളത്തിൽ കൊച്ചിയിലേക്ക് മാത്രമാണ് നിലവിൽ സൗദി എയർ ലൈൻസ് ഷെഡ്യൂൾ ചെയ്തിട്ടുള്ളത്. ജനുവരി ഒന്നു മുതൽ പ്രാബല്യത്തിലായ സൗദി-ഇന്ത്യ എയർ ബബിൾ കരാർ പ്രകാരമാണ് സൗദി എയർലൈൻസും സർവീസ് ഷെഡ്യൂൾ ചെയ്തിട്ടുള്ളത്. കഴിഞ്ഞ ദിവസം ഇൻഡിഗോയും ഫ്ളൈനാസും സൗദി-ഇന്ത്യ സെക്ടറിൽ സർവീസുകൾ പ്രഖ്യാപിച്ചിരുന്നു.
