എട്ടുവർഷത്തിനിടയിൽ ഇത് ആറാമത്തെ ദുരന്തം

ഇന്ന് ഊട്ടിയിലെ കുനൂരിൽ സംയുക്ത സേനാ മേധാവി ബിപിൻ റാവത്ത് ഉൾപ്പെടെ 14 പേർ സഞ്ചരിച്ചിരുന്ന ഹെലികോപ്റ്റർ തകർന്നു വീണതുൾപ്പടെ എട്ടുവർഷത്തിനിടയിലെ ആറാമത് ദുരന്തമാണ് സംഭവിച്ചിരിക്കുന്നത്.വ്യോമസേനയുടെ റഷ്യൻ നിർമിത എംഐ–17 വി5 ഹെലികോപ്റ്ററാണ് അപകടത്തിൽ പെട്ടത്. കോയമ്പത്തൂരിലെ സുലൂർ വ്യോമസേന താവളത്തിൽ നിന്ന് ഊട്ടിയിലെ വെല്ലിങ്ടൺ കന്റോൺമെന്റിലേക്കുള്ള യാത്രാമധ്യേയാണ് അപകടം സംഭവിച്ചത്.അപകടത്തിൽ ബിപിൻ റാവത്തിന്റെ ഭാര്യ ഉൾപ്പടെ ഏഴു പേരാണ് ഇതുവരെ മൊത്തം മരിച്ചിരിക്കുന്നത്.ഇപ്പോഴും രക്ഷാപ്രവർത്തനം തുടരുകയാണ് ഇവിടെ.