കണ്ണൂർ: റെയില്‍ പാളത്തില്‍ കല്ലുവെച്ച്‌ ട്രെയിൻ അട്ടിമറിക്കാൻ ശ്രമിച്ച യുവാവ് അറസ്റ്റിലായി. ഉത്തര്‍പ്രദേശിലെ റാസീപ്പുര്‍ സ്വദേശി ഡബ്ലു (25) വാണ് പൊലീസ് പിടിയിലായത്. കോയമ്പത്തൂര്‍-മംഗളൂരു സൂപ്പര്‍ഫാസ്​റ്റ്​ എക്സ്പ്രസ് ട്രെയിന്‍ കടന്നുപോവുന്നതിനിടയിലാണ് കല്ല് ലോക്കോ പൈറ്റിന്‍റെ ശ്രദ്ധയില്‍ പെട്ടത്.പുന്നോല്‍ പെട്ടിപ്പാലത്താണ് സംഭവം.ഉടന്‍തന്നെ ട്രെയിന്‍ നിര്‍ത്തുകയും കല്ല് മാറ്റി യാത്ര തുടരുകയുമായിരുന്നു. ട്രെയിന് വേഗത കുറവായതിനാലാണ് വൻ അപകടം ഒഴിവായത്.ദൂരെ നിന്ന് തന്നെ കല്ല് ഡ്രൈവറുടെ കണ്ണില്‍ പെട്ടതും രക്ഷയായി.