ചെന്നൈ:കോവിഡ് ഡ്യൂട്ടിക്കിടെ വനിതാ സഹപ്രവര്‍ത്തകരെ പീഡിപ്പിക്കാൻ ശ്രമിച്ച രണ്ട് സര്‍ക്കാര്‍ ഡോക്ടര്‍മാരെ പോലീസ് അറസ്റ്റ് ചെയ്തു. ജനറല്‍ ആശുപത്രിയിലെ ഡോക്ടര്‍മാരായ എസ്. വെട്രിസെല്‍വന്‍ (35), എന്‍. മോഹന്‍രാജ് (28) എന്നിവരാണ് പിടിയിലായത്.
ജോലിസ്ഥലത്തെ ആഭ്യന്തര സമിതിയുടെ അന്വേഷണത്തില്‍ പരാതികള്‍ ശരിയാണെന്ന് കണ്ടെത്തിയതോടെ കേസ് പോലീസിന് കൈമാറുകയായിരുന്നു. തുടര്‍ന്നാണ് തേനാംപേട്ട പോലീസ് വെട്രിസെല്‍വനെയും മോഹന്‍രാജിനെയും അറസ്റ്റ് ചെയ്തത്. ഇരുവരെയും ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു.
