കേരളത്തിലും, അയർലണ്ടിലും ആയി ചിത്രീകരണം പൂർത്തിയാക്കിയ ദി ഡാർക്ക്‌ സീക്രട്ട് എന്ന ചിത്രത്തിൻ്റെ ടീസർ സാമൂഹ്യ മാധ്യമങ്ങളിൽ തരംഗമാകുന്നു.
മാജിക്കൽ ട്രിയങ്കിലിന്റെ ബാനറിൽ, ജോമോൻ ജോർജും, സാബു മാണിയും ചേർന്ന് സംവിധാനം ചെയ്യുന്ന ഈ ചിത്രത്തിൽ സന്തോഷ്‌ കിഴാറ്റൂർ പ്രധാന വേഷത്തിൽ എത്തുന്നു.
ഒരു മഹാമാരിയുടെ അതിഭീകരത വിശകലനം ചെയ്യുന്ന ഒരു ചിത്രം കൂടി ആണ് ഈ സസ്പെൻസ് ത്രില്ലർ. ക്യാമറ മഹേഷ്‌, വൈശാഖ് രഘു സംഗിതം -ജിജി തോംസൺ, ജയകാർത്തി, അസോ ഡയറക്ടർ -അജിത്, എഡിറ്റിംഗ്, മണി,മേക്കപ്പ് പിയുഷ് പുരുഷു.ഐർലൻഡിലെ കോർക്കിലും പരിസര പ്രദേശങ്ങളിലും ആയി ചിത്രീകരണം പൂർത്തിയാക്കിയ ഈ ചിത്രത്തിൽ ഐറിഷ് കലാകാരന്മാരും ചില സുപ്രധാന വേഷങ്ങൾ അവതരിപ്പിക്കുന്നു.
പ്രണയവും സസ്പെൻസും ചേർന്ന ഈ സിനിമയിൽ അഞ്ച് മനോഹര ഗാനങ്ങളാണ് ഉള്ളത്. ഇതിൽ മൂന്ന് മലയാള ഗാനങ്ങളും ഹിന്ദിയിലും ഇംഗ്ലീഷിലും ഒരോ ഗാനങ്ങളുമാണ് ഉൾപ്പെടുത്തിയിരിക്കുന്നതെന്ന് സംവിധായകരിൽ ഒരാളും, ഐർലൻഡ് മലയാളിയുമായ സാബു മാണി അറിയിച്ചു.
