മധ്യപ്രദേശിലെ സിദ്ധി ജില്ലയിൽ ശാരദ കനാലിലേക്ക് ബസ് മറിഞ്ഞ് 32 പേർ മരിച്ചു. നിരവധി പേരെ വെള്ളത്തിൽ കാണാതായിട്ടുണ്ടെന്നാണ് റിപ്പോർട്ട്. പാലത്തിൽ നിന്നും ബസ് കനാലിലേക്ക് മറിയുകയായിരുന്നു. ബസിൽ 60 ഓളം യാത്രക്കാരുണ്ടായിരുന്നു. ഏഴ് പേരെ രക്ഷപെടുത്തി.
പുലർച്ചെ 7.30-നായിരുന്നു അപകടം. സിദ്ധിയിൽ നിന്നും സാറ്റ്നയിലേക്ക് പോയ സ്വകാര്യ ബസ് നിയന്ത്രണം വിട്ട് കനാലിലേക്ക് മറിഞ്ഞുവെന്നാണ് പോലീസ് പറയുന്നത്. മധ്യപ്രദേശ് ദുരന്തനിവാരണ സേന അപകട സ്ഥലത്ത് രക്ഷാപ്രവർത്തനം തുടരുകയാണ്. അപകടത്തിന് പിന്നാലെ രക്ഷാപ്രവർത്തനം സുഗമമാകാൻ ബൻസാഗർ ഡാമിലെ വെള്ളം തുറന്നുവിട്ടു.
