TRENDING

അമേരിക്കൻ തെക്ക് പടിഞ്ഞാറൻ റോഡ് ട്രിപ്പ്‌ – അനു കാമ്പുറത്ത് -ഭാഗം 6

യൂറ്റായിൽ 8 ദിവസം പോലും ആയില്ല ഞങ്ങൾ വന്നിട്ട്, എന്നാലും മനസിൽ ശെരിക്കും പതിഞ്ഞു യൂറ്റായിലെ പാർക്കുകളും, ഹൈവേകളും, മരുഭൂമിയുടെ സൗന്ദര്യവും. എന്തോ ഒരു വിഷമം തിരിച്ചു പോകുമ്പോൾ. ചില സ്ഥലങ്ങളും ചില മനുഷ്യരെ പോലെ ആണ് അല്ലെ, നമ്മുടെ ജീവിതത്തിൽ പെട്ടെന്നു കടന്നു വരുകയും പിന്നെ യാത്ര പറഞ്ഞിറങ്ങുമ്പോൾ എവിടെയോ ഒരു വിങ്ങൽ.


യൂറ്റാ നാഷണൽ പാർക്സ് പോകുന്നതിനു ഏറ്റവും അടുത്ത എയർപോർട്ട് ലാസ് വെഗാസ് ആണ്. അത് കൊണ്ട് പോകുമ്പോഴും വരുമ്പോഴും ഞങ്ങൾ 2-3 ദിവസം അവിടെയും തങ്ങി. കുറെ ദിവസമായി ഹൈക്കിങ്ങും നടത്തവും തുടങ്ങിയിട്ട്, അവസാന 2 ദിവസം ലാസ് വെഗാസിൽ വെറുതെ റിലാക്സ് ചെയാനായിരുന്നു ആദ്യം പ്ലാൻ. പിന്നെ വിചാരിച്ചു വേറെ എവിടെ എങ്കിലും പോയാലോ?. അങ്ങനെ നമ്മുടെ സ്വന്തം ഗൂഗിളിൽ തപ്പി സിയോൺ നാഷണൽ പാർക്കിൽ നിന്ന് ലാസ് വെഗാസിൽ പോകുമ്പോൾ കാണാൻ വേറെ അട്ട്രാക്ഷൻസ് ഉണ്ടോ എന്നു. വാലി ഓഫ് ഫയർ സ്റ്റേറ്റ് പാർക്ക് കണ്ണിൽ പെട്ടു. ഫോട്ടോസ് കണ്ടപ്പോൾ കിടിലം. അങ്ങനെ ഒട്ടും പ്ലാനിങ്ങിലാതെ വെറുതെ പോയ ഒരു പാർക്ക് ആണ് നെവാഡയിലെ വാലി ഓഫ് ഫയർ സ്റ്റേറ്റ് പാർക്ക്.


ആ പാർക്കിൽ എത്തിയപ്പോൾ കുറച്ചു നേരത്തേക്ക് ഞങ്ങൾ ഭൂമിയാലാണോ മറ്റൊരു ഗ്രഹത്തിൽ ആണോ എന്നു സംശയിച്ചു പോയി. പാർക്കിൽ പ്രവേശിച്ചതോടു കൂടി ഭൂപ്രകൃതി ആകെ മാറി. പല നിറത്തിലുള്ള ചെറിയ കുന്നുകൾ വിവിധ ഷേപ്പുകളിൽ പൊങ്ങി കിടക്കുന്നു, മാർബിൾ കേക്ക് മുറിച്ചാൽ കാണുന്ന പോലെ പല ലയേറുകളിൽ വരകളുള്ള ചെറിയ കുന്നുകൾ, വളഞ്ഞു പുളഞ്ഞു പോവുന്ന റോഡുകൾ, വ്യത്യസ്ഥമായ കള്ളി ചെടികൾ. അങ്ങനെ അതിശയിപ്പിക്കുന്ന കാഴ്ചകളാണ് ചുറ്റും. പാർക്കിൽ എന്നെ ഏറ്റവും ആകർഷിച്ചത് ഫയർ വോൾ ഹൈക്ക് ആണ്. മാർബിൾ കേക്ക് പോലെ തോന്നിക്കുന്ന ആ കുന്നുകൾ ഒരു അതിശയം തന്നെ. ഇൻസ്റ്റാഗ്രാമിൽ സ്ഥിരമായി കാണാം ഫയർ വാളിന്റെ ചിത്രങ്ങൾ.


നിങ്ങൾ ലാസ് വെഗാസിൽ നിന്ന് ഒരു മണിക്കൂർ മാത്രം ഓടിക്കാൻ തയ്യാറാണെങ്കിൽ, വാലി ഓഫ് ഫയർ സ്റ്റേറ്റ് പാർക്കിൽ എത്തും. അതിശയോക്തിയില്ലാതെ, ഞാൻ കണ്ടിട്ടുള്ളതിൽ വച്ച് ഏറ്റവും വ്യത്യസ്താമായ സ്ഥലങ്ങളിൽ ഒന്നാണ് ഇത്! മൊജാവേ മരുഭൂമിയിൽ സ്ഥിതി ചെയ്യുന്ന ഈ പാർക്കിൽ ടാൻ, സിയന്ന, ഫയർബ്രിക് എന്നിവയുടെ ഊഷ്മള ഷേഡുകളിലുള്ള ചുവന്ന മണൽ കല്ലുകൾ, പ്രകൃതിദൃശ്യങ്ങൾ എന്നിവയുണ്ട്. അഗ്നിജ്വാലപോലെയുള്ള ചുവന്ന മണൽക്കല്ല് സൂര്യനിൽ തിളങ്ങി, ചിലയിടങ്ങളിൽ തീപിടിച്ചതായി കാണപ്പെട്ടു. ഈ പ്രദേശം 1935 ൽ ഒരു സ്റ്റേറ്റ് പാർക്കായി സമർപ്പിച്ചു, നെവാഡയുടെ ആദ്യത്തേതും.


150 ദശലക്ഷം വർഷങ്ങൾക്ക് മുമ്പ് ദിനോസറുകളുടെ കാലഘട്ടത്തിൽ സംഭവിച്ച അതിമനോഹരമായ ചുവന്ന മണൽക്കല്ലുകളുടെ രൂപമാണ് വാലി ഓഫ് ഫയർ. നിങ്ങൾ കാണുന്ന ലാൻഡ്‌സ്‌കേപ്പ് സൃഷ്ടിച്ചത് പ്രദേശത്തിന്റെ സങ്കീർണ്ണമായ അപ്‌ലിഫ്റ്റിംഗ് ആൻഡ് ഫോൽറ്റിംഗിലൂടെയാണ്. അതിനുശേഷം വിപുലമായ മണ്ണൊലിപ്പ്. ഫോട്ടോകളിലെ ആ ദ്വാരങ്ങളെല്ലാം കാണുന്നിലേ? അതെ, ഉയർന്ന ശക്തിയുള്ള കാറ്റും മഴയുമാണ് അവ രൂപീകരിച്ചത്.


കുറച്ച് മുമ്പ്, ഏകദേശം 300 B.C.E. 1150 C.E. വരെ വിവിധ ആളുകൾ ദേശം സന്ദർശിക്കുകയും വേട്ട, ഭക്ഷണം ശേഖരണം, മതപരമായ ചടങ്ങുകൾ എന്നിവയ്ക്കായി വാലി ഓഫ് ഫയർ ഉപയോഗിക്കുകയും ചെയ്തു. പാർക്കിനുള്ളിലെ നിരവധി സൈറ്റുകളിൽ ശ്രദ്ധേയമായ ചില റോക്ക് ആർട്ട് ഞങ്ങൾ കണ്ടു – 3,000 വർഷം പഴക്കമുള്ള ഇന്ത്യൻ പെട്രോഗ്ലിഫുകൾ!

വ്യാപകമായി ക്രെയോസോട്ട് ബുഷ്, ബറോ ബുഷ്, ബ്രിട്ടൽ ബുഷ് എന്നിവയാണ് ഏരിയ പ്ലാന്റ് കമ്മ്യൂണിറ്റിയിൽ ആധിപത്യം പുലർത്തുന്നത്. ബീവർ ടെയിൽ, ചോള എന്നിവയുൾപ്പെടെ നിരവധി കള്ളിച്ചെടികളും സാധാരണമാണ്. ഡെസേർട്ട് ജമന്തി, ഇൻഡിഗോ ബുഷ്, ഡെസേർട്ട് മാലോ തുടങ്ങിയ സസ്യങ്ങളുടെ വസന്തകാല പൂവ് പലപ്പോഴും പാർക്ക് റോഡുകളിൽ മനോഹരമാണ്. കാക്ക, ഹൗസ് ഫിഞ്ച്, മുനി കുരുവികൾ, റോഡ് റണ്ണർ എന്നിവ താമസിക്കുന്ന പക്ഷികളിൽ ഉൾപ്പെടുന്നു. നിരവധി ദേശാടന പക്ഷികളും പാർക്കിലൂടെ കടന്നുപോകുന്നു. മിക്ക മരുഭൂമി മൃഗങ്ങളും nocturnal ആണ് , അവ കടന്നുപോകുന്ന വാഹനമോടിക്കുന്നവർ പതിവായി കാണാറില്ല. കൊയോട്ട്, കിറ്റ് ഫോക്സ്, സ്പോട്ടഡ് സ്കങ്ക്, ബ്ലാക്ക് ടെയിൽഡ് ജാക്ക് റാബിറ്റ്, ആന്റലോപ് ഗ്ര ground ണ്ട് അണ്ണാൻ എന്നിവയും നിരവധി പല്ലികളും പാമ്പുകളും പാർക്കിൽ സാധാരണമാണ്. ഇതിൽ പറഞ്ഞ മൃഗങ്ങളെ ഒന്നിനെ പോലും ഞങ്ങൾ കണ്ടില്ല. കള്ളി ചെടികളും ബുഷുകളും ധാരാളം കണ്ടു. വേനൽ കാലത്തു കടുത്ത ചൂടാണ്, അതുകൊണ്ടു മറ്റു സീസണുകളിൽ പോകുന്നതാണ് ഉത്തമം.


ഒട്ടും പ്ലാനിങ്ങിലാതെ പോയ ആ സ്ഥലം ഞങ്ങൾക്ക് ഏറെ വ്യത്യസ്തവും മനോഹരവുമായ കാഴ്ചകൾ സമ്മാനിച്ചു. ഡ്രൈവിൽ ഉടനീളം ഞങ്ങളുടെ ചർച്ചകൾ യൂറ്റായിലെ നാഷണൽ പാർക്കുകളെയും ഹൈവേകളെയും കുറിച്ചായിരുന്നു. എനിക്കു ഏറ്റവും പ്രിയപ്പെട്ടത് മോണുമെന്റ് വാലി തന്നെ പിന്നെ ഹൈവേ 163 യും . ഫോറെസ്റ് ഗമ്പ് ആവും കാരണം. അവിടേക്കു വീണ്ടും ഒന്നുടെ പോകണം. അന്യഗ്രഹത്തിൽ നിന്നും ലാസ് വെഗാസ് എന്ന ഗ്ലാമറിന്റെയും ഗ്ലിറ്ററിന്റെയും നഗരത്തിലേക്ക് വൈകുന്നേരത്തോടു കൂടി ഞങ്ങൾ എത്തി. പിറ്റേന് വൈകിട്ട് ഒരു പിടി മനോഹരങ്ങളായ ഓർമകളുമായി തിരിച്ചു ചിക്കാഗോയിലേക്കു.

https://www.instagram.com/adventurzwithanu/

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker