മുരിക്കാശ്ശേരി സ്വദേശികളാണ് അപകടത്തിൽപ്പെട്ടത്. മുരിക്കാശ്ശേരി പാട്ടത്തിൽ സജോമോൻ സാബു (20), ഇഞ്ച്നാട് സോണി ഷാജി (16) എന്നിവരാണ് ഒഴുക്കിൽ മുങ്ങി മരിച്ചത്.
ഏഴ് പേർ അടങ്ങുന്ന കുടുംബം ഇന്ന് ഉച്ചയോടെയാണ് തൂവൽ വെള്ളച്ചാട്ടം സന്ദർശിക്കുവാൻ എത്തിയത്.തൂവൽ അരുവിക്ക് സമീപം കുളിക്കുവാൻ ഇറങ്ങുന്നതിനിടെയാണ് അപകടം. നെടുങ്കണ്ടം ഫയർഫോഴ്സും പൊലീസും സ്ഥലത്തെത്തി നടത്തിയ തിരച്ചിലിൽ മൃതദേഹങ്ങൾ കണ്ടെത്തുക ആയിരുന്നു.
