പത്തനംതിട്ടയിൽ ചാക്കില്‍ കെട്ടിയ കറന്‍സി നോട്ടുകളും പുതുപുത്തന്‍ സെറ്റു മുണ്ടും വഴിയിൽ ഉപേക്ഷിച്ചത് ക്ഷേത്രപൂജാരി

തിങ്കളാഴ്ച രാവിലെ പത്തനംതിട്ട ടൗണില്‍ നിന്ന് അധികം അകലെയല്ലാതെ പ്രമാടം മഹാദേവര്‍ ക്ഷേത്രത്തിന് സമീപം മുട്ടം എന്ന സ്ഥലത്ത് നാട്ടുകാരാണ് പണച്ചാക്കും പുതുപുത്തന്‍ സെറ്റുമുണ്ടും കണ്ടത്. വിവരമറിഞ്ഞ് പൊലീസ് സ്ഥലത്ത് വന്നു. കുട്ടിച്ചാക്കിന്റെ പകുതിയോളം കറന്‍സി നോട്ടുകളും സമീപത്തായി സെറ്റ് സാരിയുമാണ് കണ്ടെത്തിയത്.

10, 20 രൂപ നോട്ടുകളാണ് ഏറെയും. ഏതെങ്കിലും ക്ഷേത്രങ്ങളില്‍ നിന്ന് മോഷ്ടിച്ച ശേഷം വഴിയില്‍ ഉപേക്ഷിച്ചതാകാമെന്നായിരുന്നു പൊലീസിന്റെ നിഗമനം.