കോവിഡ് വാക്സിൻ വിതരണ നടപടികൾ ചടുലമാക്കി കേന്ദ്ര സർക്കാർ ,ആദ്യം വാക്സിൻ നൽകേണ്ട ആരോഗ്യപ്രവർത്തകരുടെ പട്ടിക അടുത്ത വെള്ളിയാഴ്ചക്കകം സംസ്ഥാനങ്ങൾ കൈമാറണം

കോവിഡ് വാക്സിൻ വിതരണ മുന്നൊരുക്കങ്ങളുമായി കേന്ദ്രസർക്കാർ .രാജ്യത്തെ എല്ലാ പൗരന്മാർക്കും സൗജന്യമായി വാക്സിൻ എത്തിക്കാൻ ആണ് പദ്ധതി .ആദ്യഘട്ടത്തിൽ ശ്രേണിയിൽ മുൻപിൽ ഉള്ള 25 കോടി പേർക്കാണ് വാക്സിൻ നൽകുക .

വാക്സിൻ വിതരണത്തിന് നാല് ശ്രേണികൾ ആണ് കേന്ദ്രം വിഭാവനം ചെയ്യുന്നത് .അതിലെ ആദ്യ ശ്രേണിയുടെ മുൻപന്തിയിൽ ആരോഗ്യപ്രവർത്തകർ ആണ് .വാക്സിൻ ആദ്യം നൽകേണ്ട ആരോഗ്യപ്രവർത്തകരുടെ പട്ടിക കേന്ദ്രത്തിനു അയക്കാൻ സംസ്ഥാനങ്ങളോട് ആവശ്യപ്പെട്ടു കഴിഞ്ഞു .അടുത്ത വെള്ളിയാഴ്ചക്കകം ആണ് ഈ പട്ടിക സംസ്ഥാനങ്ങൾ തയ്യാറാക്കി അയക്കേണ്ടത് .

“വാക്സിൻ എല്ലാവർക്കും സൗജന്യമായി വിതരണം ചെയ്യും .”കേന്ദ്രവുമായി വീഡിയോ കോൺഫറൻസിങ്ങിൽ ചർച്ച നടത്തിയതിനു ശേഷം ഒഡിഷയിലെ മുതിർന്ന ആരോഗ്യപ്രവർത്തകർ പ്രദിപ്ത മഹാപാത്ര വാർത്താ ഏജൻസിയോട് പറഞ്ഞു .