ബിജെപി തിരുവനന്തപുരത്ത് നടത്തിയ പട്ടികജാതി മോര്‍ച്ച സംഗമത്തിലാണ് ബിജെപി പ്രവര്‍ത്തകരെ ബലിദാനികളാകാന്‍ ക്ഷണിച്ചുള്ള പ്രകോപനപരമായ പ്രസംഗം കേന്ദ്ര ആഭ്യന്തരമന്ത്രി നടത്തിയത്.
ദിവസങ്ങള്‍ക്ക് മുൻപാണ് തിരുവനന്തപുരത്ത് സിപിഐ എം ജില്ലാ കമ്മിറ്റി ഓഫീസും ജില്ലാ സെക്രട്ടറിയുടെ വീടും ഉള്‍പ്പെടെ ബിജെപി–-ആര്‍എസ്‌എസ്–- എബിവിപി സംഘം ആക്രമിച്ചത്. തിരുവനന്തപുരം കോര്‍പറേഷനിലെ വനിതാ കൗണ്‍സിലര്‍ ഉള്‍പ്പെടെയുള്ളവരെ പരസ്യമായി ആക്രമിക്കുകയും ചെയ്തിരുന്നു. ഇത് വലിയ പ്രതിഷേധങ്ങള്‍ക്കും വഴിവച്ചു.
ഇതിന് പുറമെയാണ് കേരളത്തിന്റെ സമാധാനാന്തരീക്ഷം തകര്‍ക്കാനും കൂടുതൽ ‘ബലിദാനികളെ’ സൃഷ്ടിക്കാനുമുള്ള ആഹ്വാനം കേന്ദ്ര ആഭ്യന്തരമന്ത്രി അമിത് ഷാ നടത്തിയത്
