ഉത്തര്‍പ്രദേശിലെ ഹര്‍ദോയ് ജില്ലയില്‍ ഇന്നു രാവിലെയാണ് അപകടം.വിളവെടുത്ത വെള്ളരിക്ക ചന്തയില്‍ കൊണ്ടുപോയി വിറ്റ ശേഷം തിരികെ വരികയായിരുന്നു കര്‍ഷകര്‍. പാലി ഏരിയയിലെ പാലത്തില്‍ എത്തിയപ്പോള്‍ ഇവരുടെ ട്രാക്ടര്‍ ട്രോളിയുടെ ചക്രങ്ങളിലൊന്ന് ഊരിവീണു. ഇതോടെ ട്രാക്ടറുമായുള്ള ബന്ധം വേര്‍പ്പെട്ട് ട്രോളി ഗര നദിയിലേക്ക് പതിക്കുകയായിരുന്നു.
അപകടം അറിഞ്ഞ് രക്ഷാപ്രവര്‍ത്തനത്തിനായി പൊലീസിനെ കൂടാതെ നിരവധി ഗ്രാമീണരും സ്ഥലത്തെത്തിയിട്ടുണ്ട്. അപകടത്തില്‍പ്പെട്ട കര്‍ഷകരുടെ കുടുംബക്കാരും ഇവിടെയെത്തിയിട്ടുണ്ട്.
