അബുദാബി: എമിറേറ്റ്സ് ഡ്രോയിൽ ഒരു മാസത്തിനുള്ളില്‍ രണ്ടുതവണ സമ്മാനം ലഭിക്കുക.അതും 77,777ദിർഹം വീതം ! 16 വര്‍ഷമായി ദുബായില്‍ താമസിക്കുന്ന മഹാരാഷ്ട്ര സ്വദേശിയായ ശ്രീറാം ശാന്ത നായിക്(46) ആണ് ഈ ഭാഗ്യവാൻ. നറുക്കെടുപ്പ് ഫലം വന്നപ്പോള്‍ സ്തംഭിച്ചുപോയി എന്നും ഞാന്‍ തിരഞ്ഞെടുത്ത നമ്പറുകള്‍ ഒരു മാസത്തിനുള്ളില്‍ രണ്ടുതവണ വിജയിച്ചത് വിശ്വസിക്കാനായില്ലെന്നും ശ്രീറാം ശാന്ത നായിക് പറഞ്ഞു.
നറുക്കെടുപ്പില്‍ പങ്കെടുക്കുന്നത് തുടരുമെന്നും ശ്രമിച്ചു കൊണ്ടിരുന്നാല്‍ ഇനിയും നേട്ടം കൈവരിക്കാമെന്നും അദ്ദേഹം കൂട്ടിച്ചേര്‍ത്തു.
