ഉടന് പണമില്ലെങ്കില് എണ്ണയുമില്ല; വാങ്ങാന് ആളുകള് ഇഷ്ടംപോലെ! ഇന്ത്യയിലേക്ക് പുറപ്പെട്ട ഇറാനിയന് എണ്ണക്കപ്പല് ചൈനയിലേക്ക് വഴിതിരിച്ചു വിട്ടു; പണമിടപാടിലെ പ്രതിസന്ധിയെന്ന് പ്രാഥമിക സൂചന; ഷിപ്പ് ട്രാക്കിംഗ് രേഖകള് പുറത്ത്
ന്യൂയോര്ക്ക്: ഇന്ത്യയിലേക്കു പുറപ്പെട്ട ഇറാനില്നിന്നുള്ള എണ്ണക്കപ്പല് ചൈനയിലേക്കു തിരിച്ചുവിട്ടെന്നു റിപ്പോര്ട്ട്. ഏഴുവര്ഷത്തിനിടെ ആദ്യമായി ഇറാനില്നിന്ന് ഇന്ത്യയിലേക്കു പുറപ്പെട്ട ടാങ്കറായിരുന്നു ഇതെന്നും സൂചനയുണ്ട്.
2002-ല് നിര്മ്മിച്ചതും 2025-ല് യുഎസ് ഉപരോധം ഏര്പ്പെടുത്തിയതുമായ അഫ്രാമാക്സ് (Aframax)കപ്പലായ പിംഗ് ഷുന് (Ping Shun), 6 ലക്ഷം ബാരല് ഇറാനിയന് എണ്ണയുമായി ഇപ്പോള് ചൈനയിലെ ഡോങ്യിംഗിലേക്ക് (Dongying) പോകുന്നതായാണ് ഷിപ്പ് ട്രാക്കിംഗ് ഡാറ്റകള് സൂചന നല്കുന്നത്. ഈ ആഴ്ച ആദ്യം, ടാങ്കര് ഗുജറാത്തിലെ വാഡിനാറില് എത്തേണ്ടിയിരുന്നതാണ് ഇതെന്നാണ് കെപ്ലര് (Kpler) ഡാറ്റ കാണിക്കുന്നു.
വാഷിംഗ്ടണ് അടുത്തിടെ നല്കിയ ഉപരോധ ഇളവിനെത്തുടര്ന്ന്, കടലിലുള്ള ഇറാനിയന് എണ്ണ ചരക്കുകള് വാങ്ങുന്നതിനുള്ള സാധ്യതകള് ഇന്ത്യന് റിഫൈനറികള് പരിശോധിക്കുന്നതിനിടെയാണ് പുതിയ സംഭവം. യുഎസ് ഉപരോധത്തെത്തുടര്ന്ന് 2019 മുതല് ഇന്ത്യ ഇറാനില്നിന്ന് എണ്ണ ഇറക്കുമതി ചെയ്തിരുന്നില്ല. ഈ ഷിപ്പ്മെന്റ് ഇന്ത്യയിലെത്തിയിരുന്നെങ്കില് 2019നുശേഷം നടത്തുന്ന ആദ്യ ഇറക്കുമതിയാകുമായിരുന്നു.
കഴിഞ്ഞ മൂന്ന് ദിവസമായി കപ്പല് വാഡിനാറിലേക്ക് വരികയായിരുന്നു കപ്പല്. എന്നാല് ലക്ഷ്യസ്ഥാനത്തിന് അടുത്തെത്തിയപ്പോള് ഇന്ത്യയെ ഒഴിവാക്കി ചൈനയിലേക്ക് സിഗ്നല് മാറ്റിയെന്ന് കെപ്ലറിലെ ലീഡ് റിസര്ച്ച് അനലിസ്റ്റ് (റിഫൈനിംഗ് ആന്ഡ് മോഡലിംഗ്) സുമിത് റിറ്റോലി പറഞ്ഞു.
റൂട്ടിലെ ഈ മാറ്റം പണമിടപാടുമായി ബന്ധപ്പെട്ട ആശങ്കകളുമായി ബന്ധപ്പെട്ടതാണെന്ന് അദ്ദേഹം സൂചിപ്പിച്ചു. വില്പനക്കാര് നിബന്ധനകള് കര്ശനമാക്കുകയാണെന്നും, മുമ്പുണ്ടായിരുന്ന 30-60 ദിവസത്തെ ക്രെഡിറ്റ് കാലാവധിയില് നിന്ന് മാറി മുന്കൂട്ടിയോ അല്ലെങ്കില് ഹ്രസ്വകാലത്തേക്കോ ഉള്ള സെറ്റില്മെന്റ് തേടുകയാണെന്നും റിറ്റോലിയ പറഞ്ഞു. ഈ ചരക്കുമായി ബന്ധപ്പെട്ട വാങ്ങുന്നയാളുടെയും വില്ക്കുന്നയാളുടെയും വിവരങ്ങള് വ്യക്തമല്ല.
അതേസമയം, മിക്ക വാണിജ്യ കപ്പലുകളുടെയും നിര്ബന്ധിത ട്രാക്കിംഗ് സംവിധാനമായ ഓട്ടോമാറ്റിക് ഐഡന്റിഫിക്കേഷന് സിസ്റ്റത്തില് (AIS) കാണിക്കുന്ന ലക്ഷ്യസ്ഥാനം അന്തിമമല്ല, യാത്രയുടെ ഏത് ഘട്ടത്തിലും ഇത് മാറ്റാന് കഴിയും.
ആദ്യം സൂചിപ്പിച്ച ലക്ഷ്യസ്ഥാനമായ വാഡിനാറില്, റോസ്നെഫ്റ്റിന്റെ (Ronseft) പിന്തുണയുള്ള നയാര എനര്ജി (Nayara Energy) നടത്തുന്ന പ്രതിവര്ഷം 20 ദശലക്ഷം ടണ് ശേഷിയുള്ള ഒരു റിഫൈനറി സ്ഥിതിചെയ്യുന്നുണ്ട്.
ഇറാനിയന് ക്രൂഡ് ഷിപ്പ്മെന്റുകളില് ഇത്തരം മിഡ്-വോയേജ് (യാത്രയ്ക്കിടയിലുള്ള) മാറ്റങ്ങള് അസാധാരണമല്ലെങ്കിലും, സാമ്പത്തിക നിബന്ധനകളോടും കൗണ്ടര്പാര്ട്ടി റിസ്ക്കുകളോടുമുള്ള പ്രതികരണം രൂക്ഷമാണെന്നാണ് ഇതു കാട്ടുന്നതെന്നു റിറ്റോലിയ കുറിച്ചു.
പേയ്മെന്റുമായി ബന്ധപ്പെട്ട പ്രശ്നങ്ങള് പരിഹരിക്കപ്പെടുകയാണെങ്കില്, ചരക്ക് ഇപ്പോഴും ഒരു ഇന്ത്യന് റിഫൈനറിയിലേക്ക് തിരിച്ചുവിടാന് കഴിയുമെന്ന് അദ്ദേഹം കൂട്ടിച്ചേര്ത്തു. അതേസമയം, ചൈനയ്ക്ക് അപ്പുറമുള്ള ലക്ഷ്യസ്ഥാനങ്ങളിലേക്ക് ഇറാനിയന് ക്രൂഡ് ഒഴുകുന്നത് നിര്ണ്ണയിക്കുന്നതില് ലോജിസ്റ്റിക്കല് ഘടകങ്ങളെപ്പോലെ തന്നെ വാണിജ്യ നിബന്ധനകളും നിര്ണ്ണായകമാകുന്നത് എങ്ങനെയെന്ന് ഈ സംഭവം അടിവരയിടുന്നു.
ഇറാനില് നിന്നുള്ള ഇറക്കുമതി പുനരാരംഭിക്കുന്നതിനെക്കുറിച്ചുള്ള ഏത് തീരുമാനവും സാങ്കേതിക-വാണിജ്യ സാധ്യതകളെ അടിസ്ഥാനമാക്കിയുള്ളതായിരിക്കുമെന്ന് ഇന്ത്യയുടെ പെട്രോളിയം മന്ത്രാലയം വ്യക്തമാക്കിയിട്ടുണ്ട്.
2018-ല് ഉപരോധം കര്ശനമാക്കുന്നതിന് മുമ്പ്, ഇറാനിയന് എണ്ണയുടെ ഏറ്റവും വലിയ ഉപഭോക്താക്കളില് ഒന്നായിരുന്നു ഇന്ത്യ. അനുകൂലമായ വിലയും ആഭ്യന്തര റിഫൈനറികള്ക്ക് അനുയോജ്യമായതും കാരണം ലൈറ്റ്, ഹെവി ഗ്രേഡുകള് ഇന്ത്യ ഇറക്കുമതി ചെയ്തിരുന്നു.
ഇന്ത്യയുടെ മൊത്തം ഇറക്കുമതിയുടെ 11.5 ശതമാനം ഒരുകാലത്ത് ഇറാനിയന് ക്രൂഡ് ആയിരുന്നു. 2018-ല് പ്രതിദിനം 518,000 ബാരലുകള് രാജ്യം ഇറക്കുമതി ചെയ്തിരുന്നു, ഇത് പരിമിതമായ യുഎസ് ഇളവ് കാലയളവില് 2019 ജനുവരിക്കും മെയ് മാസത്തിനും ഇടയില് പ്രതിദിനം 268,000 ബാരലായി കുറഞ്ഞു. അതിനുശേഷം ഇറക്കുമതി പുനരാരംഭിച്ചിട്ടില്ല.
2019 മെയ് മാസത്തിലെ നിര്ത്തിവെക്കലിനെത്തുടര്ന്ന്, മിഡില് ഈസ്റ്റ്, യുണൈറ്റഡ് സ്റ്റേറ്റ്സ്, മറ്റ് ഉത്പാദകര് എന്നിവരില് നിന്നുള്ള വിതരണം ഉപയോഗിച്ച് ഇന്ത്യ ഇറാനിയന് അളവ് നികത്തി.
ഇന്ത്യന് റിഫൈനറികള് മുമ്പ് പ്രധാനമായും ഉപയോഗിച്ചിരുന്ന ഗ്രേഡുകള് ഇറാന് ലൈറ്റും ഇറാന് ഹെവിയുമായിരുന്നു. കഴിഞ്ഞ മാസം, ഇറാന് ഉള്പ്പെട്ട യുഎസ്-ഇസ്രായേല് യുദ്ധത്തിനിടയില് എണ്ണവില കുറയ്ക്കുന്നതിനുള്ള ശ്രമത്തിന്റെ ഭാഗമായി, കടലിലുള്ള ഇറാനിയന് എണ്ണ വാങ്ങാന് അനുവദിക്കുന്ന 30 ദിവസത്തെ ഇളവ് യുഎസ് അനുവദിച്ചിരുന്നു. ഈ കാലാവധി ഏപ്രില് 19-ന് അവസാനിക്കും.
#PingShun, #IranianOil, #IndiaChinaTrade, #EnergyNews, #CrudeOil, #USDollar, #Sanctions, #NayaraEnergy, #Vadinar, #Kpler, #OilPrice, #Geopolitics, #IndiaEnergy, #GlobalEconomy, #OilTanker, #MaritimeNews, #Rosneft, #Petroleum, #ImportExport, #TradeWar, #BrentCrude, #EnergySecurity, #IndianEconomy, #ChinaNews, #ShippingNews, #InternationalRelations, #MarketVolatility, #OilMarket, #FuelPrices, #USSanctions, #IranianCrude, #BreakingNews, #BusinessNews, #Dailyhunt, #GoogleNews, #MalayalamNews, #KeralaNews, #Thrissur, #IndiaNews, #GlobalCrisis
