നിൽക്കണോ അതോ പോണോ : തീരുമാനമെടുക്കാൻ ആവാതെ ത്രി ശങ്കുവിൽ ജോസ് കെ മാണി : യുഡിഎഫിൽ പോയാൽ എന്തിന് എൽഡിഎഫ് വിട്ടുവെന്ന് ഉത്തരം പറയേണ്ടി വരും : മുന്നണി മാറ്റം ചർച്ചയ്ക്ക് പ്രസക്തിയില്ലെന്ന് പ്രമോദ് നാരായണൻ എംഎൽ എ

പ​ത്ത​നം​തി​ട്ട: എൽഡിഎഫ് വിട്ടു യുഡിഎഫിലേക്ക് കേരളം അതോ എൽഡിഎഫിൽ തന്നെ തുടരണോ എന്ന കാര്യത്തിൽ വ്യക്തമായ തീരുമാനം കൈക്കൊള്ളാൻ കഴിയാതെ ജോസ് കെ മാണി.

കേരള കോൺഗ്രസ് എം എൽ ഡി എഫ് വിടുമെന്ന അഭ്യൂഹം ശക്തമാണെങ്കിലും മുന്നണി വിട്ടു പോയാൽ എന്തിന് എൽഡിഎഫ് വിട്ടു എന്നതിനെക്കുറിച്ച് വിശദീകരിക്കാൻ ജോസ് കെ മാണിക്ക് കഴിയില്ല. കാരണം എ​ൽ​ഡി​എ​ഫി​ലേ​ക്ക് എ​ത്തി​യ കാ​ലം മു​ത​ൽ ചോ​ദി​ക്കു​ന്ന​ത് എ​ല്ലാം ന​ൽ​കി​യാ​ണ് ഇടതു മു​ന്ന​ണി ജോ​സി​നെ ഒ​പ്പം നി​ർ​ത്തി​യി​രി​ക്കു​ന്ന​ത്.

അങ്ങനെയുള്ള ഒരു സാഹചര്യത്തിൽ പെട്ടെന്ന് മുന്നണി വിട്ടു പോകുമ്പോൾ പാർട്ടി പ്രവർത്തകരെയും ജനങ്ങളെയും ബോധ്യപ്പെടുത്താൻ ഒരു കാരണം പോലും ജോസ് കെ മാണിക്ക് ഇല്ല.

ഒരു കാരണവുമില്ലാതെ മറുകണ്ടം ചാടിയാൽ കേരള കോൺഗ്രസിന്റെ വിശ്വാസ്യത തന്നെ ഇല്ലാതാകുമെന്ന് ജോസ് കെ മാണിയോട് പാർട്ടിക്കുള്ളിലുള്ളവർ തന്നെ ഓർമ്മിപ്പിക്കുന്നുണ്ട്.

ഇതുകൂടാതെ, ഇടതുമുന്നണി വിടാൻ തീരുമാനിച്ചാൽ പാർട്ടി എംഎൽഎമാർ തനിക്കൊപ്പം ഉണ്ടാകില്ല എന്ന കാര്യവും ജോസ് കെ മാണിക്ക് ഏറെക്കുറെ ഉറപ്പായിട്ടുണ്ട്.

റോഷി അഗസ്റ്റിനും പ്രമോദ് നാരായണനും അടക്കമുള്ളവർ ഇടതുമുന്നണി വിട്ടുപോകില്ല എന്ന കാര്യം ആവർത്തിച്ച് പറയുന്നുണ്ട് .ഇതും യുഡിഎഫിലേക്ക് പോകാനുള്ള ജോസ് കെ മാണിയുടെ ആഗ്രഹത്തെ തടയുന്ന ഘടകങ്ങളാണ്.

കേൾക്കുന്നതും പറയുന്നതും പ്രചരിക്കുന്നതും എല്ലാം വെറും അഭ്യൂഹങ്ങൾ മാത്രമാണെന്നും മുന്നണി മാറ്റം എന്നൊരു ചർച്ചയോ ആലോചനയോ കേരള കോൺഗ്രസ് എമ്മിനുള്ളിൽ ഉണ്ടായിട്ടില്ല എന്നാണ് പാർട്ടിയിലെ പ്രമുഖർ പറയുന്നത്.

യുഡിഎഫിലേക്ക് കേരള കോൺഗ്രസ് എമ്മിനെ കൊണ്ടുവരുന്നതിന് കോൺഗ്രസ് ഹൈക്കമാൻഡ് പച്ചക്കൊടി വീശിയെന്നും മുസ്ലിം ലീഗാണ് ഇതിന് മധ്യസ്ഥത വഹിക്കുന്നതെന്നും ദുബായിയിൽ ഇതു സംബന്ധിച്ച് ജോസ് കെ മാണി പ്രമുഖ കോൺഗ്രസ് നേതാക്കളുമായി ചർച്ച നടത്തിയെന്നും അഭ്യൂഹം ഉണ്ടായിരുന്നു. എന്നാൽ പാർട്ടി നേതാക്കൾ ഇതെല്ലാം നിരാകരിച്ചിരുന്നു.

കേ​ര​ള കോ​ൺ​ഗ്ര​സ്-​എം എൽഡിഎഫിൽ ത​ന്നെ തു​ട​രു​മെ​ന്ന് റാ​ന്നി എം​എ​ൽ​എ പ്ര​മോ​ദ് നാ​രാ​യ​ണ​ൻ പറഞ്ഞു . മു​ന്ന​ണി മാ​റ്റം സം​ബ​ന്ധി​ച്ച ഒ​രു ച​ർ​ച്ച​യ്ക്കും പ്ര​സ​ക്തി ഇ​ല്ലെ​ന്നെ​ന്നും പ്ര​മോ​ദ് വ്യ​ക്ത​മാ​ക്കി.

ജോ​സ് കെ ​മാ​ണി​യു​ടെ ഫേ​സ്ബു​ക്ക് പോ​സ്റ്റ് ഇ​ട​തു​പ​ക്ഷ​ത്ത് ഉ​റ​ച്ചു​നി​ല്‍​ക്കു​ന്നു​വെ​ന്ന കൃ​ത്യ​മാ​യ നി​ല​പാ​ട് ത​ന്നെ​യാ​ണ് വ്യ​ക്ത​മാ​ക്കു​ന്ന​ത്. അ​ത് ത​ന്നെ​യാ​ണ് പാ​ര്‍​ട്ടി​യു​ടേ​യും നി​ല​പാ​ട്. അ​തി​ന​പ്പു​റ​ത്തേ​ക്കു​ള്ള ഒ​രു ച​ര്‍​ച്ച​ക്കും പ്ര​സ​ക്തി​യി​ല്ലെ​ന്നും പ്ര​മോ​ദ് നാ​രാ​യ​ണ​ൻ പ​റ​ഞ്ഞു.

കേരള കോൺഗ്രസ് എം എൽ ഡി എഫ് വിട്ട് പോകില്ലെന്ന് നേതാക്കൾ പറയുന്നുണ്ടെങ്കിലും അ​ണി​യ​റ​യി​ൽ മു​ന്ന​ണി മാ​റ്റ​ത്തി​നാ​യി സ​ജീ​വ​മാ​യ നീ​ക്ക​മാ​ണ് കേ​ര​ള കോ​ൺ​ഗ്ര​സ് എം ​ന​ട​ത്തി വ​രു​ന്ന​തെന്ന സൂചനകൾ ശക്തമാണ്.

ജോസ് കെ മാണിയുടെ മനസ്സിലിരിപ്പ് റോഷി അഗസ്റ്റിന് പോലും പിടികിട്ടിയിട്ടില്ല.സിപിഎം ജോസിന്റെ നീക്കങ്ങൾ വീക്ഷിച്ചു വരികയാണ്. ഇന്ന് വൈകിട്ട് ജോസ് കെ മാണി മാധ്യമങ്ങളെ കാണുമെന്ന് അറിയിച്ചിട്ടുണ്ട്.മുന്നണി വിടുകയില്ലെന്ന് പരസ്യമായി വൈകുന്നേരം ജോസ് കെ മാണി പ്രഖ്യാപിക്കുകയാണെങ്കിൽ പിന്നീട് പെട്ടെന്നൊരു ചാഞ്ചാട്ടം ഉണ്ടാകാൻ സാധ്യത ഉണ്ടാവില്ല.

കേൾക്കുന്നതെല്ലാം വെറും അഭ്യൂഹങ്ങൾ മാത്രമാണെന്ന് പറയാൻ വേണ്ടിയാണ് ജോസ് കെ മാണി വൈകുന്നേരം മാധ്യമങ്ങളെ കാണുന്നത് എന്നും സൂചനയുണ്ട്.

അതേസമയം യുഡിഎഫിൽ നിന്ന് നിയമസഭാ തിരഞ്ഞെടുപ്പ് സംബന്ധിച്ച സീറ്റിന്റെ കാര്യത്തിൽ വ്യക്തമായ ഒരു ഉറപ്പ് കിട്ടിയതിനുശേഷം ആണ് ജോസ് കെ മാണി മാധ്യമങ്ങളെ കാണാൻ എത്തുന്നത് എന്നും പ്രചരണമുണ്ട്.