അടുത്ത സീസണില്‍ നോഹ സദോയ് കേരള ബ്ലാസ്റ്റേഴ്സിനായി കളിക്കും. എഫ് സി ഗോവയുടെ മൊറോക്കൻ ഫോർവേഡ് നോവ സദോയിയെ 3 കോടി രൂപയ്ക്കാണ് കേരള ബ്ലാസ്റ്റേഴ്സ് സ്വന്തമാക്കാൻ പോകുന്നത്.
നോവ 3 വർഷത്തെ കരാർ ബ്ലാസ്റ്റേഴ്സില്‍ ഒപ്പുവെക്കും എന്നാണ് പുതിയ റിപ്പോർട്ടുകള്‍. ഗോവയുടെ ഈ സീസണിലെ മത്സരങ്ങള്‍ അവസാനിച്ചാല്‍ ഉടൻ ബ്ലാസ്റ്റേഴ്സ് നോഹയുടെ സൈനിംഗ് പ്രഖ്യാപിക്കും.
അവസാന രണ്ടു സീസണുകളിലായി എഫ് സി ഗോവക്ക് ഒപ്പം ഉള്ള താരമാണ് നോവ. ഈ സീസണില്‍ ഇതുവരെ ഗോവയ്ക്ക് ആയി 22 മത്സരങ്ങള്‍ ലീഗില്‍ കളിച്ച നോവ 11 ഗോളുകളും 5 അസിസ്റ്റുകളും സ്വന്തം പേരില്‍ ചേർത്തു. ഐ എസ് എല്ലില്‍ ആകെ 42 മത്സരങ്ങള്‍ കളിച്ച നോഹ 20 ഗോളുകളും 14 അസിസ്റ്റും സംഭാവന നല്‍കിയിട്ടുണ്ട്.
