ജവാൻമാര്‍ സഞ്ചരിച്ച ബസും കാറും കൂട്ടിയിടിച്ച്‌ മൂന്ന് മരണം

സിയോനി-മണ്ട്ല സംസ്ഥാന പാതയില്‍ ശനിയാഴ്ച പുലർച്ചെ ഒരു മണിയോടെയായിരുന്നു അപകടം. മണ്ട്ലയില്‍ നിന്നും പാണ്ഡുർനയിലേക്ക് വരികയായിരുന്ന പ്രത്യേക സായുധ സേന ജവാന്മാർ സഞ്ചരിച്ച ബസ് കാറുമായി കൂട്ടിയിടിക്കുകയായിരുന്നു.

കാറിലുണ്ടായിരുന്ന കനയ്യ ജസ്വാനി (75), നിക്ലേഷ് ജസ്വാനി (45), ഡ്രൈവർ പുരുഷോത്തം മഹോബിയ (37) എന്നിവരാണ് അപകടത്തില്‍ മരിച്ചത്. മൂവരും മണ്ട്ല സ്വദേശികളാണ്.

കാറുമായി കൂട്ടിയിടിച്ചതിന് പിന്നാലെ ജവാന്മാർ സഞ്ചരിച്ച ബസ് തലകീഴായി മറിഞ്ഞ് 26 ജവാന്മാർക്കും പരിക്കേറ്റു. ഇവർ ചികിത്സയിലാണ്.