ലക്നൗ: അധ്യാപകനെ മദ്യ ലഹരിയിലായിരുന്ന പൊലീസുകാരൻ വെടിവെച്ചു കൊന്നു. ഉത്തർപ്രദേശിലെ മുസാഫർനഗറിലാണ് സംഭവം.
അധ്യാപകനായ ധർമേന്ദ്ര കുമാറിനെ ഹെഡ് കോണ്‍സ്റ്റബിള്‍ ചന്ദർ പ്രകാശാണ് വെടിവച്ച്‌ കൊലപ്പെടുത്തിയത്.
ധർമേന്ദ്ര, ഉത്തർപ്രദേശ് ബോർഡ് ഹൈസ്കൂള്‍ പരീക്ഷയുടെ ഉത്തരക്കടലാസ് മുസാഫർനഗറിലെക്ക് കൊണ്ടുവന്ന വാരണാസി വിദ്യാഭ്യാസ വകുപ്പിലെ അംഗമായിരുന്നു. ചന്ദർ പ്രകാശും സംഘത്തെ അനുഗമിച്ചിരുന്ന പൊലീസ് ഉദ്യോഗസ്ഥരില്‍ ഒരാളായിരുന്നു.
അധ്യാപകനോട് യാത്രയ്ക്കിടെ പുകയില ചോദിച്ചതാണ് കൊലപാതകത്തിലേക്ക് കലാശിച്ചത്.
