ആലപ്പുഴ: പണം കടംകൊടുക്കാത്തതിന്‍റെ വൈരാഗ്യത്തില്‍ വ്യവസായിയെ മര്‍ദിച്ചു പിക്കപ്പ് വാനുമായി മുങ്ങിയയാളെ പോലീസ് അറസ്റ്റ്ചെയ്തു.
പ്രണവം ഹോളോബ്രിക്‌സ് ഉടമ മുട്ടം വിളവോലില്‍ വടക്കതില്‍ സുഭാഷ് കുമാറിനെ ആക്രമിച്ച കേസില്‍ മുട്ടം പനമ്ബള്ളി പടീറ്റതില്‍ ദിലീപ്(40)നെയാണ് കരിയിലക്കുളങ്ങര പോലീസ് അറസ്റ്റ് ചെയ്തത്.
ഇന്നാ ഉച്ചയ്ക്ക് രണ്ടിന് മുട്ടം ചൂണ്ടുപലക ജംഗ്ഷന് സമീപമായിരുന്നു സംഭവം. 1000 രൂപ ചോദിച്ചു കൊടുക്കാത്തതിനെ തുടര്‍ന്നാണ് തന്നെ മര്‍ദിച്ചു വാഹനവുമായി കടന്നതെന്ന് സുഭാഷ് കൊടുത്ത പരാതിയില്‍ പറയുന്നു.
മര്‍ദനത്തില്‍ പരിക്കേറ്റ സുഭാഷ് ഹരിപ്പാട് താലൂക്ക് ആശുപത്രിയില്‍ ചികിത്സതേടി. കരിയിലക്കുളങ്ങര എസ്‌എച്ച്‌ഒ എന്‍.സുനീഷിന്റെ നേതൃത്വത്തിലായിരുന്നു അറസ്റ്റ്.
