പത്തനംതിട്ട: ഇപ്രാവശ്യം ബിജെപി കേരളത്തില്‍ അക്കൗണ്ട് തുറക്കുമെന്ന് പത്മജ വേണുഗോപാല്‍. അടുത്ത നിയമസഭ തെരഞ്ഞെടുപ്പില്‍ ബിജെപി സംസ്ഥാനത്ത്‌ അധികാരത്തില്‍ വരുമെന്നും പത്മജ പറഞ്ഞു.
എന്‍ഡിഎ സ്ഥാനാര്‍ഥി അനില്‍ ആന്റണിയുടെ തെരഞ്ഞെടുപ്പ് പ്രചാരണ യോഗത്തില്‍ പ്രസംഗിക്കുകയായിരുന്നു പത്മജ വേണുഗോപാല്‍.ബിജെപി സ്ത്രീകള്‍ക്ക് അര്‍ഹിക്കുന്ന പരിഗണന നല്‍കുന്ന പാര്‍ട്ടിയാണ് .നരേന്ദ്രമോദി തന്നെ ആകര്‍ഷിച്ചുവെന്നും അതിനാലാണ് ബിജെപിയില്‍ ചേര്‍ന്നതെന്നും പത്മജ കൂട്ടിച്ചേര്‍ത്തു.ബിജെപിയില്‍ ഒരു സാധാരണ പ്രവര്‍ത്തകയായി പ്രവര്‍ത്തിക്കാനാണ് താത്പര്യമെന്നും അവര്‍ പറഞ്ഞു.
കോണ്‍ഗ്രസിനും സിപിഎമ്മിനും നല്ല നേതാക്കളില്ല. തെരഞ്ഞെടുപ്പ് കഴിയുന്നതോടെ എഐസിസി ആസ്ഥാനം അടച്ചു പൂട്ടുന്ന സ്ഥിതി ഉണ്ടാവും.ചവിട്ടും കുത്തും അപമാനവും സഹിച്ചാണ് കോണ്‍ഗ്രസില്‍ നിന്നതെന്നും പത്മജ പറഞ്ഞു.
