ഷിംല: ഹിമാചല്‍ പ്രദേശിലെ രാഷ്‌ട്രീയ അനിശ്ചിതാവസ്ഥയ്‌ക്കിടെ ബിജെപിയെ പ്രശംസിച്ച്‌ സംസ്ഥാന കോണ്‍ഗ്രസ് അദ്ധ്യക്ഷ പ്രതിഭ സിംഗ്.
ഭാരതീയ ജനതാ പാർട്ടിയുടെ പ്രവർത്തനം കോണ്‍ഗ്രസിനെക്കാള്‍ മികച്ചതാണെന്നായിരുന്നു പ്രതിഭാ സിംഗ് വ്യക്തമാക്കിയത്.
മാദ്ധ്യമങ്ങളുടെ ചോദ്യങ്ങള്‍ക്ക് മറുപടിയായാണ് പ്രതിഭാ സിംഗ് കോണ്‍ഗ്രസ് പ്രവർത്തനങ്ങളെ വിമർശിച്ച്‌ രംഗത്ത് വന്നത്.
കോണ്‍ഗ്രസില്‍ ഇനിയും ഒരുപാട് കാര്യങ്ങള്‍ ചെയ്യാനുണ്ട്. ഒരു എംപി എന്ന നിലയില്‍ എന്റെ നിയോജകമണ്ഡലം സന്ദർശിക്കുകയും പ്രദേശവാസികളുമായി ഇടപഴകാനും അവരുടെ പ്രശ്നങ്ങള്‍ പരിഹരിക്കാനും ഞാൻ ശ്രമിക്കുന്നുണ്ട്. എന്നാല്‍ കോണ്‍ഗ്രസിനേക്കാള്‍ മികച്ചതാണ് ബിജെപിയുടെ പ്രവർത്തനമെന്നത് സത്യമാണ്. – പ്രതിഭാ സിംഗ് പറഞ്ഞു.
