പാലക്കാട്: കൊടുവായൂരില്‍ കാറും ബൈക്കും കൂട്ടിയിടിച്ച്‌ അപകടം; രണ്ട് യുവാക്കള്‍ മരിച്ചു.ബൈക്ക് യാത്രികരായ വെമ്ബല്ലൂർ എരട്ടോട് സ്വദേശി രാമന്റെ മകൻ രതീഷ്(22), കണ്ണന്നൂർ അമ്ബാട് സ്വദേശി മാധവന്റെ മകൻ മിഥുൻ (19) എന്നിവരാണ് മരിച്ചത്.
കൊടുവായൂർ – കാക്കയൂർ റോഡില്‍ കാർഗില്‍ ബസ് സ്റ്റോപ്പിനുസമീപം വെള്ളിയാഴ്ച രാത്രി 10.15-നാണ് അപകടമുണ്ടായത്.
സുഹൃത്തുക്കളായ ഇരുവരും കാക്കയൂരിലേയ്ക്ക് വരുംവഴിയാണ് അപകടം സംഭവിച്ചത്. ഇരുവരേയും ഉടൻ ജില്ലാ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. കാർ ഡ്രൈവർ നിസാര പരിക്കുകളോടെ രക്ഷപ്പെട്ടതായും അപകടത്തെക്കുറിച്ച്‌ വിശദാംശങ്ങള്‍ അറിവായിട്ടില്ലെന്നും പുതുനഗരം പൊലീസ് പറഞ്ഞു.
മൃതദേഹങ്ങള്‍ ജില്ലാ ആശുപത്രി മോർച്ചറിയില്‍ സൂക്ഷിച്ചിരിക്കുകയാണ്.
