പറവൂർ: ഇരുചക്രവാഹന മോഷ്ടാക്കളായ രണ്ട് യുവാക്കളെ പൊലീസ് പിടികൂടി. ആലപ്പുഴ സ്വദേശികളായ പുന്നപ്ര പുതുവല്‍വീട്ടില്‍ അനന്ദു (24), വലിയഴീക്കല്‍ തറയില്‍ക്കടവ് തെക്കേടത്ത് വീട്ടില്‍ വിഷ്ണു (24) എന്നിവരെയാണ് നോർത്ത് പറവൂർ പൊലീസ് പിടികൂടിയത്.
പറവൂത്തറ കനാല്‍ റോഡിലുള്ള പെയിന്‍റിങ് സ്ഥാപനത്തിന് മുൻവശം പാർക്ക് ചെയ്തിരുന്ന സ്കൂട്ടറാണ് ഇവർ മോഷ്ടിച്ചത്.
തിങ്കളാഴ്ച വൈകീട്ടായിരുന്നു സംഭവം. അനന്ദുവിന് അമ്ബലപ്പുഴ, കായംകുളം, എറണാകുളം സൗത്ത്, ആലപ്പുഴ, സൗത്ത് എന്നിവിടങ്ങളിലും വിഷ്ണുവിന് അമ്ബലപ്പുഴ, നോർത്ത് പറവൂർ, കായംകുളം എന്നിവിടങ്ങളിലും മോഷണം ഉള്‍പ്പെടെ കേസുകളുണ്ട്. വിഷ്ണു പോക്സോ കേസിലും പ്രതിയാണ്.
